യു.എ.ഇ.യില് തൊഴില് വിസ ലഭിക്കുന്നതിന് ഇന്ത്യക്കാര്ക്ക് നാട്ടിലെ സ്വഭാവസര്ട്ടിഫിക്കറ്റ് (പോലീസ് ക്ലിയറന്സ് സര്ട്ടിഫിക്കറ്റ്) ആവശ്യമാണെന്ന നിബന്ധനയില് മാറ്റമില്ലെന്ന് യു.എ.ഇ. തൊഴില് മന്ത്രാലയം. തൊഴില് വിസ ലഭിക്കുന്നതിന് സ്വഭാവസര്ട്ടിഫിക്കറ്റ് ആവശ്യമില്ലെന്ന അഭ്യൂഹങ്ങള് പ്രചരിക്കുന്ന സാഹചര്യത്തിലാണ് വിശദീകരണമെന്ന് യു.എ.ഇ. ഹ്യൂമന് റിസോഴ്സസ് ആന്ഡ് ഇമറാത്തൈസേഷന് മന്ത്രാലയം അറിയിച്ചു. സ്വഭാവസര്ട്ടിഫിക്കറ്റ് വേണമെന്ന നിബന്ധനയില്നിന്ന് ഇന്ത്യ ഉള്പ്പെടെ ഒമ്പതു രാജ്യങ്ങളെ ഒഴിവാക്കിയെന്ന വാര്ത്തകള് പ്രചരിച്ചതോടെയാണ് മന്ത്രാലയം വിശദീകരണവുമായി രംഗത്തെത്തിയത്. ഈ പ്രചാരണം തെറ്റാണെന്ന് തൊഴില് മന്ത്രാലയം വിശദീകരണം നല്കി. ഔദ്യോഗിക വിസാ സേവന […]
