തിരുവനന്തപുരത്തെ കേരള ഇന്സ്റ്റിറ്റ്യൂട്ട് ഓഫ് ടൂറിസം ആന്ഡ് ട്രാവല് സ്റ്റഡീസ് അഥവാ കിറ്റ്സ് സ്ഥിതിചെയ്യുന്നത് തൈക്കാട് വാര്ഡിലാണ്. ഇവിടെ നഗരസഭാ കൌണ്സിലര് വിദ്യാ മോഹനാണ്. കിറ്റ്സില് ഔദ്യോഗിക പരിപാടികള് നടക്കുമ്പോഴൊക്കെ സ്ഥലം കൌണ്സിലര് വിദ്യാ മോഹനെയും അതിഥിയായി ക്ഷണിക്കും. അങ്ങനെ ടൂറിസം രംഗത്തെ സാധ്യതകള് മനസിലാക്കിയ കൌണ്സിലര് ഇവിടെ വിദ്യാര്ഥിയായി ചേര്ന്നു. ബിരുദപഠനം പൂർത്തിയായ ഉടനെയാണ് നഗരസഭാ തെരഞ്ഞെടുപ്പിൽ വിദ്യ സ്ഥാനാർഥിയാകുന്നത്. തൈക്കാട് വാർഡിൽനിന്ന് വിജയിക്കുകയുംചെയ്തു. പിജി ചെയ്യണമെന്നായിരുന്നു ആഗ്രഹം. കൗൺസിലറായി ചുമതലയേറ്റതോടെ തുടർന്ന് പഠിക്കാൻ സാധിച്ചില്ല. […]

