ഏറ്റവും സുരക്ഷിതവും സുഗമവുമായ ഗതാഗതം നടക്കുന്ന ദുബൈ പുതിയ ലക്ഷ്യവുമായി കുതിപ്പ് തുടരുന്നു. പുതിയ സൗകര്യങ്ങളോടെ ദുബൈ മെട്രോ സ്മാര്‍ട്ട് കാര്‍ഡ് വഴി പണം നല്‍കാവുന്ന സംവിധാനം നടപ്പിലാക്കി.
പുതിയ സംവിധാനങ്ങള്‍ നിലവില്‍ വന്നതോടെ സാസംസങ്, ആപ്പിള്‍ പേ തുടങ്ങിയ മാര്‍ഗങ്ങളിലൂടെ ഇനി പണമടയ്ക്കാം. ഫോണ്‍ ടിക്കറ്റ് മെഷിനില്‍ മൊബൈല്‍ കാണിച്ചാല്‍ പണം സ്വീകരിക്കും. റെഡ് ലൈനിലും ഗ്രീന്‍ ലൈന്‍ സ്റ്റേഷനുകളിലും സ്മാര്‍ട്ട് പേയ്‌മെന്റ് സംവിധാനം നിലവില്‍ വന്നു.
വേള്‍ഡ് ട്രേഡ് സെന്റര്‍, ഇബ്ന്‍ ബത്തൂത്ത, ഊദ് മേത്ത, ദുബൈ മാള്‍ തുടങ്ങിയ പ്രധാന സ്റ്റേഷനുകളില്‍ പത്ത് ടിക്കറ്റ് വെന്‍ഡിങ് മെഷിനുകള്‍ കൂടി സ്ഥാപിച്ചു. നൂര്‍ ഇസ്ലാമിക്ക്, സ്റ്റേഡിയം, ദേര സിറ്റി സെന്റര്‍ സ്റ്റേഷനുകള്‍ തുടങ്ങിയ 13 ഗേറ്റുകളും പുതുതായി സജ്ജമാക്കി.
എക്‌സ്‌പോ 2020ന്റെ ഭാഗമായി മെട്രോയുടെ സംവിധാനങ്ങള്‍ കൂടുതല്‍ നവീകരിക്കുമെന്ന് മുഹമ്മദ് അല്‍ മുദാറാബ് പറഞ്ഞു.
