Tag: old fashion in oscar 2018
പഴയ ഫാഷനില്‍ ഓസ്കര്‍ വേദിയില്‍ തിളങ്ങി റിത മൊറോണ
പുരസ്ക്കാര തിളക്കത്തോടൊപ്പം പുതുമയാര്‍ന്ന ഫാഷന്‍റെയും സംഗമ വേദിയാണ് ഓസ്കര്‍. ഗ്ലാമറും ഫാഷനും സമന്വയിക്കുന്ന ഇടം. ഈ വേദിയില്‍ പഴമയുടെ പുത്തന്‍ ഫാഷന്‍ അവതരിപ്പിച്ച് ഒരാള്‍ കയ്യടി നേടി. വണ്‍ ഡേ അറ്റ് എ ടൈം സീരിസിലെ താരം റിത മൊറോണയാണ് പഴമയുടെ പുതിയ താരം. 56 വര്‍ഷം പഴക്കമുള്ള വസ്ത്രമണിഞ്ഞാണ് ഓസ്കര്‍ വേദിയില്‍ റിത മൊറോണ എത്തിയത്. പരമ്പരാകത ജാപ്പനീസ് ശൈലിയില്‍ തീര്‍ത്ത ഗൌണ്‍ ആയിരുന്നു റിതയുടെ വേഷം. 1962ല്‍ ഓസ്കര്‍ ലഭിച്ച നടി കൂടിയാണ് റിത. അന്ന് ധരിച്ച അതേ വസ്ത്രമാണ് 2018ലെ ഓസ്കര്‍ ചടങ്ങിന് അവര്‍ ധരിച്ചത്. വെസ്റ്റ് സൈഡ് സ്റ്റോറി എന്ന ചിത്രത്തിലെ അഭിനയത്തിന് മികച്ച സഹനടിക്കുള്ള പുരസ്ക്കാരമായിരുന്നു 56 വര്‍ഷം മുമ്പ് റിതയ്ക്ക് ലഭിച്ചത്. വര്‍ഷങ്ങള്‍ പഴക്കമുള്ള വസ്ത്രമാണെങ്കിലും ഗാംഭീര്യം ഒട്ടും കുറയ്ക്കാതെയാണ് എണ്‍പത്താറുകാരിയായ റിത വേദിയിലെത്തിയത്.