Tag: cng bus
പഴയ ബസ് പുതിയ റൂട്ട് : വീണ്ടും ഫ്ലാഗ് ഓഫും
തിരുവനന്തപുരത്ത് ഒരിക്കല്‍ ഫ്ലാഗ് ഓഫ് ചെയ്ത് പിന്നീട് വര്‍ഷങ്ങളോളം ഒതുക്കിയിട്ട കെഎസ്ആര്‍ടിസി ബസ് ഇന്ന് മുതല്‍ കൊച്ചിയില്‍ ഓടിത്തുടങ്ങും.33 ലക്ഷം മുടക്കി വാങ്ങിയ സിഎന്‍ജി ബസ് ഹരിത വാഹനം എന്ന പേരില്‍ 2016 ജനുവരി 8 ന് മുഖ്യമന്ത്രിയുടെ സാനിധ്യത്തില്‍ ഫ്ലാഗ് ഓഫ് ചെയ്തതാണ്. സിഎന്‍ജി ഇന്ധനം ലഭ്യമാകാത്തതിനാല്‍ ഉദ്ഘാടനശേഷം ബസ് സെന്‍ട്രല്‍ വര്‍ക്ക്ഷോപ്പില്‍ ഒതുക്കിയിട്ടിരിക്കുകയായിരുന്നു. ഇപ്പോള്‍ കൊച്ചിയില്‍ സിഎന്‍ജി ലഭ്യമായിത്തുടങ്ങിയതോടെ തുരുമ്പെടുത്തു കിടന്ന ബസിനെ കൊച്ചിക്ക്‌ കൊണ്ടുപോയി. ബസ് കഴുകിയ ശേഷം ലോറിയിലാണ് കൊച്ചിക്ക്‌ കൊണ്ട് പോയത്.