സ്കൂള് ബസുകളിലെ ജി.പി.എസ്. ഘടിപ്പിക്കല് പൂര്ത്തിയായശേഷം സ്വകാര്യ ബസുകളിലും ജി.പി.എസ്. നിര്ബന്ധമാക്കാന് മോട്ടോര്വാഹന വകുപ്പ്. നഗരത്തിലൂടെയുള്ള സ്വകാര്യ ബസുകളുടെ അമിതവേഗം നിയന്ത്രിക്കാന് കഴിയാത്ത സാഹചര്യത്തിലാണ് ജി.പി.എസ്. ഘടിപ്പിക്കുന്നത്. നഗരത്തിലൂടെ പാഞ്ഞെത്തുന്ന സ്വകാര്യ ബസുകള്ക്ക് വേഗം കുറയ്ക്കുന്നതുള്പ്പെടെ നിര്ദേശങ്ങള് നല്കിയിട്ടുണ്ടെങ്കിലും നിരത്തിലിറങ്ങുമ്പോള് പാലിക്കാറില്ല. ഡോര് ഇല്ലാത്ത ബസുകളും അപകടാവസ്ഥയിലായ സീറ്റുകളുള്ള ബസുകളും നിരത്തിലുണ്ട്. ഇളകിയ സീറ്റുകള് കയര് കൊണ്ട് കെട്ടിയിരിക്കുന്ന നിലയിലും കാണാം. ഇവ കണ്ടുപിടിക്കാന് മോട്ടോര് വാഹന വകുപ്പിന് കഴിയാതെപോകുന്നു. ചെറുവാഹനങ്ങളെ തട്ടിയിട്ട് പാഞ്ഞുപോകുന്നതും നഗരത്തില് പതിവുകാഴ്ചയാണ്. […]

