Category: Homepage Malayalam
കേരളത്തിലും വന്നു ഡ്രൈവിംഗിന് സ്മാര്ട്ട് കാര്ഡ്
തിരുവനന്തപുരം: ലാമിനേറ്റ് ചെയ്ത പേപ്പര് കാര്ഡ് ഡ്രൈവിംഗ് ലൈസന്സുകള് പഴങ്കഥയാകുന്നു.പുത്തന് സാങ്കേതികവിദ്യ ഉള്പ്പെടുത്തി പ്ലാസ്റ്റിക് കാര്ഡ് രൂപത്തിലേക്ക് മാറുകയാണ് കേരളത്തിലെ ഡ്രൈവിംഗ് ലൈസന്സുകള്. ആര്ടി ഓഫീസുകളായ കുടപ്പനക്കുന്ന്,ആലപ്പുഴ,കരുനാഗപ്പള്ളി എന്നിവിടങ്ങളില് പരീക്ഷണാടിസ്ഥാനത്തില് പുതിയ സമ്പ്രദായം നടപ്പാക്കി.ക്യുആര് കോഡ്,ഹോട്ട് സ്ടാമ്പ് ഹോളോഗ്രാം ,ഗില്ലോഷേ പാറ്റെണ്,മൈക്രോ ലെന്സ്,ഗോള്ഡന് നാഷണല് എംബ്ലം,മൈക്രോ ടെസ്റ്റ് വിത്ത് ഇന്റന്ഷനല് എറര് എന്നിവ പുതിയ കാര്ഡിലുണ്ടാകും. കാര്ഡ് വിതരണത്തിന്റെ സംസ്ഥാനതല ഉദ്ഘാടനം തിരുവനന്തപുരത്ത് ഗതാഗത കമ്മീഷണര് കെ പദ്മകുമാര് നിര്വഹിച്ചു.
റാണി പത്മാവതിയുടെ ചിത്തോര് കോട്ടയുടെ വിശേഷങ്ങള്
റാണി പത്മാവതിയും രത്തന് സിംഗ് രാജാവും ജീവിച്ച ഓര്മകളുറങ്ങുന്ന ചിത്തോര് കൊട്ടാരം. പ്രണയം ബാക്കിവെച്ച അകത്തളങ്ങള്, സംഗീതവും നൃത്തവും കൊണ്ട് അലങ്കാരമായിരുന്ന രാജസദസ്സ്. വിവാദങ്ങള്ക്കൊടുവില് പത്മാവത് പ്രദര്ശനത്തിനെത്തിയപ്പോള് തിയേറ്ററുകളില് നിറഞ്ഞത് ചരിത്രമാണ്. അലാവുദ്ദീന് ഗില്ജിയും, പത്മാവതിയും, രത്തന് സിങ്ങും നിറഞ്ഞു നിന്ന സിനിമയില് മറ്റൊരു കഥാപാത്രമുണ്ട്, ശരിക്കും ചരിത്രത്തെ അനുഭവിച്ചറിഞ്ഞ ചിത്തോര് കൊട്ടാരം. ഒരു രാജവാഴ്ചയുടെ കഥയറിയാവുന്ന, രാജപുത്രന്റെയും റാണിയുടെയും പ്രണയവും മരണവും ഏറ്റുവാങ്ങിയ ജീവിച്ചിരിക്കുന്ന ചരിത്ര സ്മാരകം. ഇന്ത്യയിലെ ഏറ്റവും വലിയ കോട്ടയാണ് ചിത്തോറിലെ റാണി പത്മാവതിയുടെ കൊട്ടാരം ഉള്പ്പെടുന്ന കോട്ട. 691 ഏക്കര് സ്ഥലത്താണ് ഈ കോട്ട നില്ക്കുന്നത്. ഏഴാം നൂറ്റാണ്ടിന്റെ രാജകീയ പ്രൗഢിയില് നിലനില്ക്കുന്ന കോട്ട സഞ്ചാരികളുടെ ശ്രദ്ധയാകര്ഷിക്കുന്ന സ്ഥലമാണ്. ചരിത്ര ശേഷിപ്പുകള് പേറിയാണ് ഇപ്പോഴും കോട്ടയും കൊട്ടാരവും നിലനില്ക്കുന്നത്. കൊട്ടക്കുള്ളിലെ ക്ഷേത്രങ്ങളും കൊത്തുപണികളും ഇടനാഴികളും ആരെയും ആവേശം കൊള്ളിക്കും. അക്കാലത്ത് രാജാവും പടയാളികളും ഉപയോഗിച്ചിരുന്ന ആയുധങ്ങളും സഞ്ചാരികള്ക്കായി പ്രദര്ശിപ്പിക്കുന്നുണ്ട്. അറുനൂറടി ഉയരത്തില് തലയെടുപ്പോടെ നില്ക്കുന്ന കോട്ട ... Read more
അമേരിക്കക്കാരെ ഇതിലേ..ഇതിലേ..ലോസ് ആഞ്ചല്സില് കേരളത്തിന്റെ റോഡ് ഷോ
ലോസ് ആഞ്ചല്സ്: അമേരിക്കന് വിനോദ സഞ്ചാരികളെ ലക്ഷ്യമിട്ട് ലോസ് ആഞ്ചല്സില് കേരള ടൂറിസത്തിന്റെ റോഡ് ഷോ. ലോസ് ആഞ്ചല്സ് സോഫിടെല് ഹോട്ടലില് നടന്ന റോഡ് ഷോയില് കേരളത്തില് നിന്നും ലോസ് ആഞ്ചലസില് നിന്നുമായി 40 പേര് പങ്കെടുത്തു. ലോസ് ആഞ്ചലസിലെ ഇന്ത്യാ ടൂറിസം അസി. ഡയറക്ടര് സന്ധ്യാ ഹരിദാസ്, കേരള ടൂറിസം ഡയറക്ടര് പി ബാലകിരണ് എന്നിവര് പങ്കെടുത്തു. കേരളത്തിലെത്തുന്ന വിദേശ സഞ്ചാരികളില് വെറും എട്ടു ശതമാനം മാത്രമാണ് അമേരിക്കക്കാര്. കൂടുതല് അമേരിക്കന് സഞ്ചാരികളെ കേരളത്തില് എത്തിക്കുകയാണ് റോഡ് ഷോയുടെ ലക്ഷ്യം. മൂന്നു ദിവസത്തെ ന്യൂയോര്ക്ക് ഷോയ്ക്ക് പിന്നാലെയാണ് ലോസ് ആഞ്ചലസിലെ റോഡ് ഷോ. നാളെ സാന്ഫ്രാന്സിസ്കോയിലാണ് റോഡ് ഷോ. കേരളത്തിലേക്ക് വിദേശ വിനോദ സഞ്ചാരികളെ ആകര്ഷിക്കാനുള്ള രണ്ടാം ഘട്ട പ്രചാരണത്തിന്റെ ഭാഗമാണ് റോഡ് ഷോകള്. ജനുവരി 9നു നെതര്ലാണ്ട്സില് തുടങ്ങിയ രണ്ടാം ഘട്ട പ്രചരണം മാര്ച്ച് 15 നു ഇറ്റലിയിലെ മിലാന് റോഡ് ഷോയോടെ സമാപിക്കും.
വര്ണങ്ങള് സമ്മാനിക്കുന്ന നൂഗ് നൂച്ച് വില്ലേജ്
തായ്ലന്ഡിന്റെ തലസ്ഥാനമായ ബാങ്കോക്കിലൊരു പൂന്തോട്ടമുണ്ട്. കണ്ടാലും കണ്ടാലും കാഴ്ചകള് തീരാത്ത വര്ണങ്ങള് നിറഞ്ഞ ഉദ്യാനം. നൂഗ് നൂച്ച് വില്ലേജ് എന്നറിയപ്പെടുന്ന പൂന്തോട്ടമാണ് കാഴ്ചകളൊരുക്കി സഞ്ചാരികളെ കാത്തിരിക്കുന്നത്. 600 ഏക്കറിലാണ് ഈ വില്ലെജ് വ്യാപിച്ചു കിടക്കുന്നത്. കുന്പിസിറ്റ്, കുന് നൂഗ്നൂച്ച് തന്സാജ എന്നിവര് ചേര്ന്ന് 1954ലാണ് ബാങ്കോക്ക് പട്ടായയിലുള്ള ഈ സ്ഥലം വാങ്ങിയത്. പ്രകൃതി സ്നേഹിയായ കുന് നൂഗ്നൂച്ച് തരിശായി കിടന്ന ഈ സ്ഥലത്ത് പൂന്തോട്ടം നിര്മിക്കാന് തീരുമാനിച്ചു. സ്വന്തം പേരുതന്നെ ഉദ്യാനത്തിനും നല്കി. നൂഗ് നൂച്ച് ബൊട്ടാണിക്കല് ഗാര്ഡന്. 1980ല് പൊതുജനങ്ങള്ക്കായി നൂഗ് നൂച്ച് ബൊട്ടാണിക്കല് ഗാര്ഡന് തുറന്നു കൊടുത്തു. ക്രമേണ ഇതു ലോക സഞ്ചാരികളെ ആകര്ഷിക്കാന് തുടങ്ങി. ഇപ്പോള് നൂഗ്നൂച്ചിന്റെ മകനാണ് ഇതിന്റെ അവകാശി. ഫ്രഞ്ച് ഗാര്ഡന്, യൂറോപ്യന് ഗാര്ഡന്, സ്റ്റോണ്ഹെഞ്ച് ഗാര്ഡന്, ഇറ്റാലിയന് ഗാര്ഡന്, ഉറുമ്പ് ടവര്, ചിത്രശലഭക്കുന്ന്, ഓര്ക്കിഡ് ഗാര്ഡന്, പൂക്കളുടെ താഴ്വര എന്നിങ്ങനെ ഈ വില്ലേജിനെ പലതായി തിരിച്ചിരിക്കുന്നു. വിശാലമായ കമാനം കടന്നു ചെല്ലുമ്പോള് സഞ്ചാരിയെ ... Read more
ഉത്തരേന്ത്യയില് ഭൂചലനം
ഡല്ഹിയിലെ വിവിധ പ്രദേശങ്ങളിലും ഉത്തരേന്ത്യന് സംസ്ഥാനങ്ങളിലും ഭൂചലനം. റിക്ടര് സ്കെയിലില് 6.1 രേഖപ്പെടുത്തിയ ഭൂചലനമാണ് അനുഭവപ്പെട്ടത്. അഫ്ഗാനിസ്ഥാനിലെ ഹിന്ദുകുശ് മലനിരകളാണ് ഭൂകമ്പത്തിന്റെ പ്രഭവകേന്ദ്രം. കശ്മീരിലും മറ്റ് ഉത്തരേന്ത്യന് സംസ്ഥാനങ്ങളിലും ഭൂചലനം അനുഭവപ്പെട്ടു. ഇതുവരെ ആളപായം റിപ്പോര്ട്ട് ചെയ്തിട്ടില്ല. ഡല്ഹി മെട്രോ ട്രെയിന് സര്വീസ് താല്ക്കാലികമായി നിര്ത്തിവെച്ചു.
സുഷമ്മ ഇടപെട്ടു: അറ്റ്ലസ് രാമചന്ദ്രന്റെ മോചനം ഉടന്
ന്യൂഡല്ഹി: യുഎഇയില് തടവില് കഴിയുന്ന അറ്റ്ലസ് രാമചന്ദ്രന്റെ മോചനത്തിന് വഴി തെളിഞ്ഞു.വിദേശകാര്യമന്ത്രി സുഷമ്മ സ്വരാജിന്റെ ഇടപെടലാണ് മോചനത്തിന് വഴിയൊരുക്കുന്നത്.പണം നല്കാന് തയ്യാറായ സാഹചര്യത്തില് യുഎഇയിലെ 22 ബാങ്കുകള് നല്കിയ കേസ് പിന്വലിക്കും. കടം വീട്ടാതെ യുഎഇ വിട്ടുപോകാന് രാമചന്ദ്രന് അനുമതിയില്ല. അവിടെ താമസിച്ച് കടംവീട്ടാമെന്നാണ് ധാരണ.ഒരു ബാങ്ക് കൂടി പരാതി പിന്വലിച്ചാല് രണ്ടു ദിവസത്തിനകം ജയില് മോചിതനാവും. 2015ല് മൂന്നു വര്ഷത്തേക്കാണ് രാമചന്ദ്രനെ ദുബൈ കോടതി ശിക്ഷിച്ചത്.3.40 ദിര്ഹത്തിന്റെ രണ്ടു ചെക്കുകള് മടങ്ങിയതായിരുന്നു കാരണം.ആയിരം കോടി രൂപയുടെ വായ്പാ തിരിച്ചടവും മുടങ്ങി. ബിജെപി സംസ്ഥാന പ്രസിഡന്റ് കുമ്മനം രാജശേഖരനാണ് വിഷയം കേന്ദ്ര വിദേശകാര്യ മന്ത്രിയുടെ ശ്രദ്ധയില് കൊണ്ടുവന്നത്.
പുത്തന് പരിഷ്ക്കാരവുമായി തണ്ടര്ബേര്ഡ് എത്തുന്നു
ഇന്ത്യന് ഇരുചക്ര വാഹന വിപണി കീഴടക്കാന് പരിഷ്കാരങ്ങളുമായി റോയല് എന്ഫീല്ഡ് തണ്ടര്ബേര്ഡ് എത്തുന്നു. അടിമുടി മാറ്റത്തോടെ തണ്ടര്ബേര്ഡ് 350x, 500x മോഡലുകള് കമ്പനി പുറത്തിറക്കുമെന്ന് നേരത്തെ റിപ്പോര്ട്ടുകളുണ്ടായിരുന്നു. ഫെബ്രുവരിയില് നടക്കുന്ന ഓട്ടോ എക്സ്പോയ്ക്ക് മുമ്പേ പുതിയ തണ്ടര്ബേര്ഡുകള് കമ്പനി പുറത്തിറക്കുമെന്നാണ് സൂചന. ഇത്തവണ എക്സ്പോയില് തണ്ടര്ബേര്ഡ് പങ്കെടുക്കുന്നില്ല. എന്ഫീല്ഡിന്റെ പരമ്പരാഗത രൂപത്തിനൊപ്പം സ്പോര്ട്ടി ലുക്കും കൈവശപ്പെടുത്തിയാണ് തണ്ടര്ബേര്ഡിന്റെ വരവ്. പിന്നില് ഉയര്ന്നു നിന്ന ബാക്ക് റെസ്റ്റ് ഇത്തവണയില്ല. ഹാന്ഡില് ബാറിന്റെ ഉയരം വര്ധിപ്പിച്ചു. എന്ജിന് പൂര്ണമായും കറുത്ത നിറത്തിലേക്ക് മാറി. ടാങ്ക് നിറത്തിന് സമാനമായി റിം സ്റ്റിക്കറും പുതിയ പതിപ്പിലുണ്ട്. ചുവപ്പ്, നീല, മഞ്ഞ നിറങ്ങളില് തണ്ടര്ബേര്ഡ് എക്സ് നിര സ്വന്തമാക്കാം. 350x തണ്ടര്ബേര്ഡിന് 346 സിസി സിംഗിള് സിലിണ്ടര് എയര് കുള്ട് എന്ജിനാണ് കരുത്തേകുക. 5250 ആര്പിഎമ്മില് 19.8 ബിഎച്ച്പി പവറും 4000 ആര്പിഎമ്മില് 28 എന്എം ടോര്ക്കുമേകും ഈ എന്ജിന്. 27.2 ബിഎച്ച്പി പവറും 41.3 എന്എം ടോര്ക്കുള്ള ... Read more
വലവിരിച്ചു ശ്രീലങ്ക:ലക്ഷ്യം ഇന്ത്യന് സഞ്ചാരികള്
ന്യൂഡല്ഹി: ഇന്ത്യന് സഞ്ചാരികള്ക്കായി വലവിരിച്ചു ശ്രീലങ്ക. ഈ വര്ഷം 4.4 ലക്ഷം ഇന്ത്യന് സഞ്ചാരികളെ എത്തിക്കുകയാണ് ലക്ഷ്യമെന്ന് ശ്രീലങ്ക ടൂറിസം പ്രൊമോഷന് ബ്യൂറോ അറിയിച്ചു.പോയ വര്ഷം 3,84,628ഇന്ത്യാക്കാരാണ് ശ്രീലങ്ക സന്ദര്ശിച്ചത്. സഞ്ചാരികളില് 63.7% ഇന്ത്യക്കാര് സ്ഥലങ്ങള് കാണാനും അവധിക്കാലം ചെലവഴിക്കാനുമാണ് ശ്രീലങ്കയില് എത്തുന്നത്.50%ത്തോളം പേര് ഷോപ്പിങ്ങിനു പറ്റിയ ഇടമായും കണക്കാക്കുന്നെന്നു അടുത്തിടെ നടത്തിയ സര്വേയില് കണ്ടെത്തിയതായി ടൂറിസം പ്രൊമോഷന് ബ്യൂറോ അറിയിച്ചു.37.01% ഇന്ത്യന് സഞ്ചാരികള് ശ്രീലങ്കയിലെ ചരിത്രപ്രാധാന്യ ഇടങ്ങള് കാണാനാണ് വരുന്നത്.21%ത്തിനടുത്തേ വനം -വന്യജീവി കാഴ്ചകള് കാണാന് താത്പര്യമുള്ളൂ. സഞ്ചാരികളെ ക്ഷണിക്കാന് ഡല്ഹിയില് നടക്കുന്ന SATTE(ദക്ഷിണേഷ്യന് ട്രാവല് മേള) യില് ശ്രീലങ്കയില് നിന്ന് വന് സംഘമുണ്ട്.ലങ്കയിലെ കടല്ത്തീര സൌന്ദര്യം ഇതിനകം ഇന്ത്യക്കാര്ക്ക് പ്രിയംകരമായിട്ടുണ്ട്.ഇനി ഫിലിം ടൂറിസം,വിവാഹ സ്ഥലം,രാമായണ തീര്ഥാടന സ്ഥലം എന്നിങ്ങനെ ശ്രദ്ധയൂന്നാനാണ് ശ്രീലങ്കന് ശ്രമം.
ആനും ജാക്കിയും കണ്ട കേരളം
അമേരിക്കന് സഹോദരിമാരായ ആനും ജാക്കിയും കണ്ട കേരളം. അടുത്തിടെയാണ് ഇരുവരും കേരളത്തിലെത്തിയത്. കണ്ട കേരളത്തിന്റെ കാഴ്ചകള് ആനും ജാക്കിയും ടൂറിസം ന്യൂസ് ലൈവിന് കൈമാറി. തിരഞ്ഞെടുത്ത ചില ചിത്രങ്ങള്…
നീലക്കുറിഞ്ഞി പൂക്കാറായി: തയ്യാറെടുത്ത് മൂന്നാര്
പണ്ട്രണ്ടു വര്ഷത്തിലൊരിക്കല് പൂക്കുന്ന നീലക്കുറിഞ്ഞി വിസ്മയം വരവായി. പൂക്കള് നിറഞ്ഞ നീലപ്പരവതാനി വിരിക്കാന് മൂന്നാറിലെ മലമടക്കുകളും ഒരുങ്ങി. നീലക്കുറിഞ്ഞി കാഴ്ചകള്ക്ക് വ്യത്യസ്ത പാക്കേജുകളാണ് വിവിധ ടൂര് ഓപ്പറേറ്റര്മാര് മുന്നോട്ടു വെയ്ക്കുന്നത്. ജൂലൈ മുതല് ഒക്ടോബര് വരെയാണ് നീലക്കുറിഞ്ഞി സീസണ്. നിയന്ത്രണങ്ങള് നീലക്കുറിഞ്ഞി സീസണില് സ്വകാര്യവാഹനങ്ങള് മൂന്നാര് ടൗണില് നിന്നും ഇരവികുളം പാര്ക്ക് ഭാഗത്തേക്ക് അനുവദിക്കില്ല.സ്വകാര്യ വാഹനങ്ങളില് എത്തുന്നവര് അവ നിശ്ചിത പാര്ക്കിംഗ് ഏരിയയില് പാര്ക്ക് ചെയ്യണം. ഇവിടെനിന്നും കെഎസ്ആര്ടിസി,ഡിടിപിസി വാഹനങ്ങളില് ഇരവികുളം പാര്ക്കിലുള്ള ചെക്ക് പോസ്റ്റില് എത്തണം.തുടര്ന്ന് വനം വകുപ്പ് വാഹനങ്ങളിലാണ് പാര്ക്കിലേക്ക് പോകേണ്ടത്.ഇതേ നിലയിലാകും തിരിച്ചെത്തേണ്ടതും. കഴിഞ്ഞ നീലക്കുറിഞ്ഞി സീസണിലെ സന്ദര്ശകത്തിരക്ക് കണക്കിലെടുത്താണ് നിയന്ത്രണങ്ങള്.നീലക്കുറിഞ്ഞി സീസണുമായി ബന്ധപ്പെട്ട പഠനങ്ങള് നടത്താന് സര്ക്കാര് നാറ്റ്പാക്കിനെ ചുമതലപ്പെടുത്തിയിട്ടുണ്ട്. തകര്പ്പന് പ്രചാരണം കുറിഞ്ഞി സീസണെ ലോക ടൂറിസം മാപ്പില് ഉറപ്പിക്കാന് സര്ക്കാര് നടപടികള് തുടങ്ങി. സോഷ്യല് മീഡിയ വഴിയാകും പ്രധാന പ്രചാരണം.ടൂറിസം വെബ്സൈറ്റിലേക്കും യു ട്യൂബ് ചാനലിലേക്കും കുറിഞ്ഞിയെക്കുറിച്ച് വിവരങ്ങള് തേടുന്ന പത്തു ലക്ഷം ... Read more
ചീറിപ്പാഞ്ഞ് ജീപ്പുകള്; ബ്രേക്കിടണമെന്ന് നാട്ടുകാര്
വണ്ടിപ്പെരിയാര് മൗണ്ടിനു സമീപത്തെ ചെങ്കുത്തായ കൊക്കയ്ക്ക് അരികിലൂടെയുള്ള ജീപ്പുകളുടെ സാഹസികയാത്രക്ക് നിയന്ത്രണം ഏര്പ്പെടുത്തണമെന്ന ആവശ്യവുമായി നാട്ടുകാര്. അപകടം നിറഞ്ഞ പാതയിലൂടെയാണ് സുരക്ഷാ മുന്കരുതലുകളില്ലാതെ ജീപ്പുകളുടെ യാത്ര. റോഡുകളുടെ വശങ്ങളില് സംരക്ഷണഭിത്തിയോ, വേലികളോ ഇല്ലാത്തത് അപകടം വിളിച്ചുവരുത്തും. മൗണ്ടില് നിന്നും ഗ്രാമ്പിലേക്കും അവിടെ നിന്ന് പാമ്പനാറിലേക്കും എത്താവുന്ന എളുപ്പവഴിയാണിത്. ഈ റോഡില് ജീപ്പുകളുടെ സഞ്ചാരം ആരംഭിച്ചതോടെ പ്രദേശവാസികളുടെ യാത്രാ ദുര്ഘടമായി. ഈ പ്രദേശത്തേക്ക് അനധികൃത സവാരി നടത്തുന്ന ജീപ്പുകളെ നിയന്ത്രിക്കാന് വനം- റവന്യു അധികാരികളോ, മോട്ടോര് വകുപ്പോ ഇടപെടണമെന്നാണ് നാട്ടുകാരുടെ ആവശ്യം.
വര്ണ വിവേചനം നീക്കി: പാസ്പോര്ട്ടിന് ഒറ്റനിറം മാത്രം
ന്യൂഡല്ഹി: എതിര്പ്പ് വ്യാപകമായതോടെ ഓറഞ്ച് പാസ്പോര്ട്ട് കൊണ്ടുവരാനുള്ള നീക്കം കേന്ദ്രസര്ക്കാര് ഉപേക്ഷിച്ചു. പത്താം തരം കഴിഞ്ഞിട്ടാല്ലത്തവര്ക്ക് ഓറഞ്ച് പുറംചട്ടയുള്ള പാസ്പോര്ട്ട് കൊണ്ടുവരാനായിരുന്നു നീക്കം. പൗരന്മാരെ രണ്ടു തരക്കാരായി കാണുന്നതാണ് നീക്കമെന്ന വിമര്ശനം ഉയര്ന്നിരുന്നു. പാസ്പോര്ട്ടിന്റെ അവസാനപേജിലെ വിലാസം ഉള്പ്പെടെയുള്ള വ്യക്തിവിവരങ്ങള് ഒഴിവാക്കാനുള്ള തീരുമാനവും കേന്ദ്രം പിന്വലിച്ചിട്ടുണ്ട്. പ്രതിഷേധം ശക്തമായതോടെ വിദേശകാര്യമന്ത്രി സുഷമ്മ സ്വരാജ് മന്ത്രാലയത്തിന്റെ നിര്ദ്ദേശം പുനരവലോകനം ചെയ്യുകയായിരുന്നു. വിദേശത്ത് സാധാരണ തൊഴിലാളികള്ക്ക് ബുദ്ധിമുട്ട് ഉണ്ടാകാതിരിക്കാനാണ് നിറംമാറ്റം നിര്ദ്ദേശിച്ചിരുന്നതെന്ന് വിദേശകാര്യ വക്താവ് രവീഷ് കുമാര് പറഞ്ഞു.
സ്വര്ണഇലകള് പൊഴിക്കുന്ന ഒറ്റമരം
ശിശിരത്തില് സ്വര്ണഇലകള് പോഴിക്കുന്ന ഒറ്റമരം. വര്ണ ശോഭയില് മോഹിപ്പിക്കുന്ന ഈ മരം ചൈനയിലെ ഗു ഗുന്യായിന് ബുദ്ധ ക്ഷേത്രത്തിന് സമീപത്താണ്. 1400 വര്ഷം പഴക്കമുണ്ട് ഈ ഒറ്റമരത്തിന്. ജീവിക്കുന്ന ഫോസില് എന്നാണ് മരത്തിനെ ശാസ്ത്രജ്ഞര് വിശേഷിപ്പിക്കുന്നത്. ബുദ്ധ ക്ഷേത്രത്തിനു ചുറ്റും സ്വര്ണ ഇലകള് ചിതറി കിടക്കുന്നു. ക്ഷേത്രപരിസരത്തും മേല്ക്കൂരയ്ക്കുമെല്ലാം സ്വര്ണ നിറം മാത്രം. മനോഹരമായ ഈ കാഴ്ചകാണാന് നവംബര് അവസാനത്തോടു കൂടി നിരവധി സഞ്ചാരികളാണ് ഇവിടേയ്ക്ക് എത്തുക. പ്രദേശത്തെ ടൂറിസത്തിനും മരം നല്കുന്ന സംഭാവന വലുതാണെന്നാണ് സര്ക്കാര് അധികൃതര് പറയുന്നത്. സോങ്ഗാന് മലനിരകളിലാണ് ക്ഷേത്രവും മരവുമുള്ളത്. ഇവിടുത്തെ കാലാവസ്ഥയാണ് ഇത്ര വര്ഷമായിട്ടും മരത്തെ നശിക്കാതെ കാത്തുസൂക്ഷിക്കുന്നത്. പ്രകൃതിയിലെ ഒരു പ്രതിഭാസവും മരത്തിന്റെ ജീവനെ പ്രതികൂലമായി ബാധിച്ചിട്ടില്ല. വര്ഷം കഴിയുംതോറും മരത്തിന്റെ ആരോഗ്യം വര്ധിക്കുന്നതായും വിദഗ്ധര് പറയുന്നു. പ്രകൃതിയുടെ അത്ഭുതമെന്നു വേണമെങ്കില് മരത്തിനെ വിളിക്കാം എന്നാണ് സസ്യശാസ്ത്രജ്ഞര് പറയുന്നത്. നിലത്തു വീഴുന്ന ഇലകള് നീക്കം ചെയ്യാറില്ല. മരത്തെ ഒന്നുതൊടാം എന്നാഗ്രഹിച്ച് ഗു ഗുന്യായിലേക്ക് ... Read more
വിമാനം പറന്നിറങ്ങിയത് നടുറോഡില്
എഞ്ചിന് തകരാറായതിനെ തുടര്ന്ന് അമേരിക്കയില് വിമാനം ഹൈവേയില് ഇറക്കി. കാലിഫോര്ണിയയിലാണ് സംഭവം. ആര്ക്കും അപകടം സംഭവിച്ചിട്ടില്ല. വിമാനം ഹൈവേയില് ഇറക്കുന്ന സമയത്ത് വാഹനങ്ങള് കുറവായതിനാല് വന് ദുരന്തം ഒഴിവായി. സാന്റിയാഗോയില് നിന്ന് വാന് നുയിസിലേക്ക് പോവുകയായിരുന്ന ചെറുവിമാനമാണ് അടിയന്തിര ലാന്ഡിംഗ് നടത്തിയത്. ഇസ്സി സ്ലോഡ് എന്ന പൈലറ്റാണ് വിമാനം പറത്തിയിരുന്നത്. എഞ്ചിന് തകരാര് ശ്രദ്ധയില്പെട്ട ഇസ്സി സ്ലോഡ് എഞ്ചിന് വീണ്ടും പ്രവര്ത്തിപ്പിക്കാന് നടത്തിയ ശ്രമങ്ങള് പരാജയപ്പെട്ടതോടെയാണ് വിമാനം ഹൈവേയില് ഇറക്കിയത്. വിമാനം ഹൈവേയില് അടിയന്തിരമായി ഇറക്കുകയാണെന്ന് പൈലറ്റ് എയര് ട്രാഫിക് കണ്ട്രോളിനെ അറിയിച്ചിരുന്നു. ആ സമയത്ത് വാഹനങ്ങള് കുറവായിരുന്നത് അത്ഭുതമായി തോന്നുന്നുവെന്ന് പൈലറ്റ് മാധ്യമങ്ങളോട് പറഞ്ഞു. സംഭവത്തെക്കുറിച്ച് ഫെഡറല് ഏവിയേഷന് അഡ്മിനിസ്ട്രെഷന് അന്വേഷണം ആരംഭിച്ചു.
അബുദാബി ഹൈവേയില് വേഗത കൂട്ടാം
അബുദാബിയിലെ പ്രധാനഹൈവേയില് വേഗതകൂട്ടിപ്പായാം. അല് മഫ്രാക്-അല് ഗുവൈഫാത് രാജ്യാന്തര പാതയില് അനുവദനീയ വേഗത മണിക്കൂറില് 160കിലോമീറ്ററായി ഉയര്ത്തി. കൂടുതല് വേഗത അനുവദിച്ച വിവരം അബുദാബി പൊലീസ് പുറത്തുവിട്ടു.ഈ പാതയില് 161 കിലോമീറ്റര് മുതല് വേഗതയില് പായുന്ന വാഹങ്ങളെ ഇനി റഡാര് പരിധിയില്പെടൂ. തീരുമാനം ജനുവരി 24 മുതല് പ്രാബല്യത്തില് വന്നു. നേരത്തെ 140 കിലോമീറ്റരായിരുന്നു രാജ്യാന്തരപാതയിലെ വേഗ പരിധി.