Category: Homepage Malayalam

റാസല്‍ഖൈമയിലെ പൈതൃകോത്സവ കേന്ദ്രമായ അവാഫിയില്‍ എത്തുന്നവര്‍ക്ക് താല്‍ക്കാലിക താമസ ഇടങ്ങളായ ഫാമുകള്‍ ഇനി ഓണ്‍ലൈന്‍ വഴി ബുക്കുചെയ്യാമെന്ന് അധികൃതര്‍ അറിയിച്ചു. റാസല്‍ഖൈമയിലെ മനോഹരമായ അവാഫി പ്രദേശത്താണ് ഓഫ്‌റോഡ്‌ മത്സരങ്ങളും പരമ്പരാഗത നൃത്തരൂപങ്ങളും പൈതൃകപ്രദര്‍ശനങ്ങളും സമന്വയിക്കുന്ന പ്രശസ്തമായ അവാഫി ഫെസ്റ്റിവല്‍ നടക്കുന്നത്. സന്ദര്‍ശകര്‍ക്ക് സൗകര്യപ്രദമായ സേവനം ലഭ്യമാക്കാന്‍ ലക്ഷ്യമിട്ടാണ് പുതിയ സംവിധാനമെന്ന് സാമ്പത്തിക വികസന വകുപ്പ് ഡയറക്ടര്‍ ജനറല്‍ ഡോ. അബ്ദുല്‍ റഹ്മാന്‍ അല്‍ ഷായബ് പറഞ്ഞു. പുതിയ സര്‍വീസ് പ്രകാരം ഫാം ഓണ്‍ലൈന്‍ അപേക്ഷകര്‍ക്ക് 48 മണിക്കൂറിനുള്ളില്‍ ഈ സേവനം ലഭ്യമാകും. ഐ.ഡി. കാര്‍ഡിന്‍റെ പകര്‍പ്പുസഹിതമാണ് അപേക്ഷിക്കേണ്ടത്. നവീകരിച്ച അഞ്ഞൂറോളം ഫാമുകളാണ് ഇവിടെയുള്ളത്.

ഇന്ത്യന്‍ തൊഴിലന്വേഷകര്‍ക്ക് കനത്ത തിരിച്ചടിയാവുന്ന പുതിയ വിസനയം ഓസ്‌ട്രേലിയന്‍ സര്‍ക്കാര്‍ പ്രഖ്യാപിച്ചു. ഓസ്‌ട്രേലിയയുടെ ഏറെ ജനകീയമായ 457 വിസസംവിധാനമാണ് പൊളിച്ചെഴുതിയത്. ഓസ്‌ട്രേലിയക്കാരുടെ അഭാവത്തില്‍ വിദേശതൊഴിലാളികളെ നിയമിക്കാന്‍ തൊഴില്‍സ്ഥാപനങ്ങള്‍ക്ക് അനുമതിനല്‍കുന്ന 457 വിസ സംവിധാനത്തിനു കീഴില്‍ 650 തൊഴിലുകള്‍ ഉള്‍പ്പെട്ടിരുന്നു. ഇത് ഇരുനൂറായി കുറച്ചതാണ് പ്രധാനമാറ്റം. ഉയര്‍ന്ന തൊഴില്‍വൈദഗ്ധ്യവും ഇംഗ്ലീഷിലെ മികച്ച പ്രാവീണ്യവും നിര്‍ബന്ധമാക്കി. വിസ കാലാവധി നാലു വര്‍ഷത്തില്‍നിന്ന് രണ്ടു വര്‍ഷമായി കുറച്ചതും തിരിച്ചടിയാണ്. അതിവിദഗ്ധ തൊഴില്‍മേഖലയില്‍ മാത്രമേ ഇനി നാലുവര്‍ഷത്തെ വിസ അനുവദിക്കുകയുള്ളൂ. ഓസ്‌ട്രേലിയയിലെ ഒരുലക്ഷത്തോളംവരുന്ന വിദേശതൊഴിലാളികളില്‍ നാലിലൊന്നും ഇന്ത്യക്കാരാണ്. യു.കെ, ചൈന എന്നീ രാജ്യങ്ങളാണ് തൊട്ടുപിന്നില്‍. ഓസ്‌ട്രേലിയ ഒന്നാമത് നയത്തിന്‍റെ ഭാഗമായാണ് വിസചട്ടം പൊളിച്ചെഴുതുന്നതെന്ന് പ്രധാനമന്ത്രി മാല്‍കം ടേണ്‍ബുള്‍ നേരത്തേ വ്യക്തമാക്കിയിരുന്നു. 457 വിസ സംവിധാനം ദുരുപയോഗം ചെയ്ത് തൊഴിലുടമകള്‍ കുറഞ്ഞ വേതനത്തിന് വിദേശികളെ ജോലിക്കെടുക്കുന്നതിനാല്‍ ഓസ്‌ട്രേലിയയില്‍ തൊഴിലില്ലായ്മ വര്‍ധിക്കുന്നതായി വിമര്‍ശനമുണ്ടായിരുന്നു.

റോയല്‍ എന്‍ഫീല്‍ഡുകളെ ട്രോളി വീണ്ടും ബജാജ് ഡോമിനാറിന്റെ പരസ്യം. ആനയെ പോറ്റുന്നത് നിര്‍ത്തു എന്ന വാചകത്തോടെ ബുള്ളറ്റുകളുടെ പോരായ്മകള്‍ എടുത്തുകാണിച്ച് ബജാജ് പുറത്തിറക്കുന്ന അഞ്ചാമത്തെ പരസ്യമാണിത്. ദുര്‍ഘട പാതയിലും ഡോമിനോറിന് എളുപ്പത്തില്‍ മുന്നേറാന്‍ സാധിക്കുമെന്നും എന്നാല്‍ റോയല്‍ എന്‍ഫീല്‍ഡിന് ഇതില്‍ പരാജയമാണെന്നും പുതിയ പരസ്യത്തില്‍ ബജാജ് പറയാതെ പറയുന്നു. ബുള്ളറ്റിനെ ആനയാക്കി ചിത്രീകരിച്ച് ആനയെ പരിപാലിക്കുന്നത് നിര്‍ത്തി കൂടുതല്‍ പവറും ഫീച്ചറുകളുമുള്ള ഡോമിനാര്‍ വാങ്ങാനാണ് അഞ്ച് പരസ്യങ്ങളിലും കമ്പനി പറയുന്നത്. ബുള്ളറ്റുകളുടെ തനത് ശബ്ദവും അതിലെ റൈഡര്‍മാരുടെ ഹെല്‍മെറ്റും മറ്റ് ആക്‌സസറികളും ഉപയോഗിച്ച് ബുള്ളറ്റിനെയാണ് പറയാതെ പറയുന്നത് എന്ന രീതിയിലാണ് പരസ്യം ചിത്രീകരിച്ചിരിക്കുന്നത്. വെളിച്ചം വളരെ കുറവുള്ള വണ്ടി, ബ്രേക്ക് പിടിച്ചാല്‍ കിട്ടാത്ത വണ്ടി, പെട്ടെന്ന് സ്റ്റാര്‍ട്ടാകാത്ത വണ്ടി, കയറ്റം കയറാന്‍ പ്രയാസപ്പെടുന്ന വണ്ടി എന്നിങ്ങനെ ബുള്ളറ്റുകള്‍ നേരിടുന്ന പ്രശ്‌നങ്ങള്‍ എടുത്തുകാട്ടിയുള്ള പരസ്യങ്ങളാണ് നേരത്തെ ബജാജ് പുറത്തുവിട്ടിരുന്നത്. പരസ്യത്തിനെതിരെ സോഷ്യല്‍ മീഡിയയില്‍ റോയല്‍ എന്‍ഫീല്‍ഡ് ആരാധകരും സജീവമായി പ്രതിഷേധം രേഖപ്പെടുത്തുണ്ട്. തലകുത്തി ... Read more

തലസ്ഥാന നഗരത്തിന്‍റെ ഷോപ്പിംഗ്‌ സ്വപ്നങ്ങള്‍ക്ക് നിറം പകരാന്‍ മാള്‍ ഓഫ് ട്രാവന്‍കൂര്‍ പൊതുജനങ്ങള്‍ക്ക്‌ തുറന്നു കൊടുത്തു. ലോകോത്തര ഷോപ്പിംഗ്‌ അനുഭവം ആസ്വദിക്കാന്‍ ഉതകുന്ന രീതിയില്‍ ആധുനിക സംവിധാനങ്ങള്‍ ഉള്‍ക്കൊള്ളിച്ചാണ് മാളൊരുങ്ങുന്നത്. മാള്‍ ഓഫ് ട്രാവന്‍കൂറില്‍ നടന്ന ചടങ്ങില്‍ മുഖ്യമന്ത്രി പിണറായി വിജയന്‍ മാള്‍ ഓഫ് ട്രാവന്‍കൂര്‍ അനന്തപുരിക്ക് സമര്‍പ്പിച്ചു. മലബാറില്‍ നിന്നൊരു മാള്‍ തിരുവനന്തപുരത്ത് എത്തുന്നത്  വളരെ സന്തോഷകരമാണെന്ന് മുഖ്യമന്ത്രി പറഞ്ഞു. പൂര്‍ണമായും പരിസ്ഥിതിയ്ക്ക് അനിയോജ്യമായ രീതിയില്‍ പണിത മാള്‍ കേരളത്തിന്‍റെ ഹരിതം പദ്ധതിയോട് ചേര്‍ന്നു നില്‍ക്കുന്നുവെന്നും സാധാരണക്കാരെ ഉള്‍പ്പെടുത്തി അവരുടെ കാര്‍ഷിക ഉല്‍പ്പന്നങ്ങള്‍ക്ക് വിപണി നല്‍കുന്നത് സ്വാഗതാര്‍ഹമാണെന്നും മുഖ്യമന്ത്രി കൂട്ടിച്ചേര്‍ത്തു. മന്ത്രിമാരായ കെ.ടി ജലീല്‍, സി ചന്ദ്രശേഖരന്‍, ടി.പി രാമകൃഷ്ണന്‍, എ.കെ. ശശീന്ദ്രന്‍, കെ. രാജു, സ്പീക്കര്‍ ശ്രീരാമകൃഷ്ണന്‍,  കുഞ്ഞാലിക്കുട്ടി എം.പി എന്നിവര്‍ വിവിധ സ്റ്റോറുകളുടെ ഉദ്ഘാടനം നിര്‍വഹിച്ചു. കൂടാതെ കെ.പി.സി.സി പ്രസിഡന്‍റ് എം.എം ഹസന്‍, കുമ്മനം രാജശേഖരന്‍, ,എം.എല്‍.എമാരായ എ.കെ മുനീര്‍, ഒ രാജഗോപാല്‍, തിരുവനന്തപുരം മേയര്‍ വി.കെ പ്രശാന്ത്, ... Read more

ജലക്ഷാമത്തില്‍ നട്ടം തിരിയുകയാണ് ദക്ഷിണാഫ്രിക്ക. കുടിവെള്ളത്തിനു പണി പലതും പയറ്റിയ അവര്‍ ഇപ്പോള്‍ ജലസംരക്ഷണ മാര്‍ഗങ്ങള്‍ തേടുന്നു. കുടിവെള്ളം കരുതലോടെ ഉപയോഗിക്കേണ്ടതിന്‍റെ നേര്‍ചിത്രങ്ങളാണ് ആഫ്രിക്കയുടെ വരള്‍ച്ചാ അതിജീവന ശ്രമങ്ങള്‍. രാജ്യത്തെ വിനോദസഞ്ചാര മേഖലക്ക് വരള്‍ച്ച സൃഷ്ടിച്ച ആഘാതം മറികടക്കാനുള്ള ശ്രമത്തിലാണ് ടൂറിസം മേഖല. എസി യില്‍ നിന്ന് വരുന്ന വെള്ളമാണ് പല ഹോട്ടലുകളും തറ തുടയ്ക്കാന്‍ ഉപയോഗിക്കുന്നത്.ഭക്ഷണം കഴിക്കുമ്പോള്‍ ഒരേ സ്പൂണും കത്തിയും ഉപയോഗിക്കാന്‍ ഹോട്ടലുകാര്‍ അതിഥികളോട് ആവശ്യപ്പെടുന്നു. ഒന്നിലധികം ഉപയോഗിച്ചാല്‍ അവയും കഴുകേണ്ടിവരും എന്നതിനാലാണ് ഈ അഭ്യര്‍ത്ഥന. വിഭവങ്ങള്‍ പ്ലേറ്റില്‍ വിളമ്പുന്നതിന് പകരം മനോഹര ചിത്രം ആലേഖനം ചെയ്ത ഡിസ്പോസിബിള്‍ കാര്‍ഡിലാണ് നല്‍കുന്നത്. ഇതുവഴി പ്ലേറ്റ് കഴുകുന്ന വെള്ളം ലാഭിക്കാം. ചില ഹോട്ടലുകള്‍ കുളിക്കുന്നതും കഴുകുന്നതുമായ മലിനജലം ടാങ്കുകളില്‍ ശേഖരിച്ച് ടോയ്ലറ്റ് ഫ്ലഷ് ചെയ്യാന്‍ ഉപയോഗിക്കുന്നു. ജലം കരുതലോടെ ഉപയോഗിക്കാന്‍ അവര്‍ അതിഥികളോടും ആവശ്യപ്പെടുന്നു. ടോയ്ലറ്റ് ഫ്ലഷ് ചെയ്യുമ്പോള്‍ പകുതി വെള്ളം ഉപയോഗിക്കാനും പറയുന്നുണ്ട്. ബാറുകളില്‍ ഗ്ലാസ് ഇല്ലാതെ മദ്യപിക്കുന്നവര്‍ക്ക് ... Read more

  ആയുര്‍വേദ ചികിത്സക്ക് കേരളത്തിലെത്തി കാണാതായ വിദേശവനിത ലിഗ സ്ക്രോമാനായി തെരച്ചില്‍ ഊര്‍ജിതം. ലിഗയെ കാണാതായിട്ട് പത്തു ദിവസമാകുന്നു. പ്രത്യേക സ്ക്വാഡ് രൂപീകരിച്ച് അന്വേഷണം ഊര്‍ജിതമാക്കിയതായി വിഴിഞ്ഞം പൊലീസ് ഇന്‍സ്പെക്ടര്‍ എന്‍ ഷിബു പറഞ്ഞു. ലിഗയെപ്പോലെ തോന്നിക്കുന്ന സ്ത്രീയെ അടിമലത്തുറയില്‍ ഞായറാഴ്ച കണ്ടതായി സൂചന ലഭിച്ചെന്നു പൊലീസ് അറിയിച്ചു. നാട്ടുകാരില്‍ നിന്നും ഓട്ടോ ഡ്രൈവര്‍മാരില്‍ നിന്നും പൊലീസ് വിവരങ്ങള്‍ ശേഖരിക്കുന്നുണ്ട്. വിഴിഞ്ഞത്തിനു പുറമേ കാഞ്ഞിരംകുളം, പൂവാര്‍ മേഖലകളിലേക്കും പൊലീസ് അന്വേഷണം വ്യാപിപ്പിച്ചു. പാസ്പോര്‍ട്ട് അടക്കം ഉപേക്ഷിച്ചാണ് താമസസ്ഥലത്ത് നിന്നും ലിഗ കോവളത്തെത്തിയത്. ഇവിടെ നിന്നാണ് കാണാതായത്.ലിഗയെക്കുറിച്ചു വിവരങ്ങള്‍ നല്‍കുന്നവര്‍ക്ക് കുടുംബം ഒരു ലക്ഷം രൂപ വാഗ്ദാനം ചെയ്തിട്ടുണ്ട്. കഴിഞ്ഞ ദിവസം കുളച്ചലില്‍ തീരത്തടിഞ്ഞ വിദേശ വനിതയുടെ മൃതദേഹം കാണാതായ ലിഗയുടേതെന്ന് പൊലീസ് സംശയിച്ചിരുന്നു.എന്നാല്‍ മൃതദേഹം പരിശോധിച്ച സഹോദരി ഇല്‍സെ ഇത് ലിഗയുടെതല്ലന്നു പറഞ്ഞു. ലിഗ പച്ച കുത്തിയിട്ടില്ലന്നും മൃതദേഹത്തില്‍ കയ്യില്‍ പച്ചകുത്തിയത് കാണാമായിരുന്നെന്നും എല്‍സെ പറഞ്ഞു. ലിഗയുടെ കൈകാലുകള്‍ ഒരേ നീളമുള്ളവയെന്നും ... Read more

മിഡിൽ വെയിറ്റ് ക്യാറ്റഗറിയിലേയ്ക്ക് റോയൽ എൻഫീൽഡ് പുറത്തിറക്കുന്ന ബൈക്കുകൾ ഈ വർഷം ഇന്ത്യയിലെത്തും. അടുത്തിടെ ഓസ്ട്രേലിയയിൽ പ്രദർശിപ്പിച്ച വാഹനത്തിന്‍റെ അവിടുത്തെ വില ഇന്‍റർസെപ്റ്ററിന് എകദേശം 5 ലക്ഷം രൂപയും കോണ്ടിനെന്‍റൽ ജി.ടിക്ക് 4.5 ലക്ഷം രൂപയുമാണ്. എന്നാൽ ഇന്ത്യയിൽ പുറത്തിറങ്ങുമ്പോള്‍ ബൈക്കുകൾക്ക് വില കുറയും. റോയൽ എൻഫീൽഡ് പുറത്തിറക്കുന്ന പാരലൽ ട്വിൻ എൻജിനുമായാണ് ബൈക്കുകൾ വിപണിയിൽ എത്തുക. എൻഫീൽഡിന്‍റെ തന്നെ ഇന്‍റർസെപ്റ്റർ മാർക്ക് 1 നെ അനുസ്മരിപ്പിച്ചാണ് പുതിയ ഇന്‍റർസെപ്റ്ററിനെ പുറത്തിറക്കിയിരിക്കുന്നത്. 2013ൽ എൻഫീൽഡ് പുറത്തിറക്കിയ കഫേ റേസർ ബൈക്ക് കോണ്ടിനെന്‍റൽ ജി.ടിയുടെ രൂപവും ഭാവവുമാണ് പുതിയ ജി.ടിക്ക്. ഇരുബൈക്കുകൾക്കും പുതിയ എൻജിനാണ് ഉപയോഗിക്കുന്നത്. 648 സിസി കപ്പാസിറ്റിയുള്ള പാരലൽ ട്വിൻ എയർ കൂൾഡ് എൻജിൻ 7100 ആർ.പി.എമ്മിൽ‌ 47 ബി.എച്ച്.പി കരുത്തും 4000 ആർ.പി.എമ്മിൽ 52 എൻ.എം ടോർക്കുമേകും. യുകെയിൽ കമ്പനി പുതുതായി സ്ഥാപിച്ച ടെക്നിക്കൽ സെന്‍ററും ചെന്നൈയിലെ ടെക്നിക്കൽ സെന്‍ററും സംയുക്തമായാണ് പുതിയ എൻജിൻ വികസിപ്പിച്ചത്. 130–140 കിലോമീറ്റർ ... Read more

അവധിക്കാല യാത്രയ്ക്ക് റെയിൽവേ സ്പെഷ്യല്‍ ട്രെയിനുകൾ പ്രഖ്യാപിച്ചു. വേനലവധിക്കാലത്ത് ദക്ഷിണ റെയില്‍വേ കേരളത്തില്‍ 351 സര്‍വീസുകള്‍ നടത്തും. ഏപ്രില്‍ ഒന്നുമുതല്‍ ജൂലായ് നാലുവരെയുള്ള കാലയളവില്‍ കേരളത്തില്‍ 31 തീവണ്ടികളാണ് ഓടുക. ദക്ഷിണ റെയില്‍വേയില്‍ മൊത്തം 69 തീവണ്ടികള്‍ 796 സര്‍വീസുകള്‍ ഓടിക്കും. മുഴുവന്‍ തീവണ്ടികളിലും പ്രത്യേകനിരക്ക് ഈടാക്കുന്ന സുവിധയും സ്‌പെഷ്യല്‍ ഫെയര്‍ വണ്ടികളുമാണ്. യാത്രക്കാര്‍ക്കായി ദക്ഷിണറെയില്‍വേ ആദ്യമായി വേനല്‍ക്കാല വണ്ടികളുടെ പട്ടിക പ്രസിദ്ധീകരിച്ചു. പ്രധാന സ്റ്റേഷനുകളിലെ റിസര്‍വേഷന്‍ കൗണ്ടറുകളില്‍ ക്യു.ആര്‍. കോഡും ഇത്തവണ പ്രദര്‍ശിപ്പിക്കുന്നുണ്ട്. യാത്രക്കാര്‍ക്ക് അത് സ്‌കാന്‍ ചെയ്ത് മൊബൈലില്‍ ടൈംടേബിള്‍ ഡൗണ്‍ലോഡ് ചെയ്യാം.കേരളത്തിൽനിന്നു ചെന്നൈ, ഹൈദരാബാദ്, ബെംഗളൂരു, മുംബൈ, വേളാങ്കണ്ണി, രാമേശ്വരം എന്നിവിടങ്ങളിലേക്ക് ഏപ്രിൽ, മേയ്, ജൂൺ മാസങ്ങളിലാണ് സർവീസുകൾ. എല്ലാ ട്രെയിനുകളും 13 സർവീസുകൾ വീതം നടത്തും. പുറപ്പെടുന്ന സ്റ്റേഷൻ, എത്തിച്ചേരുന്ന സ്റ്റേഷൻ, ട്രെയിൻ, നമ്പർ, പുറപ്പെടുന്ന ദിവസം, സമയം എന്നീ ക്രമത്തിൽ ചെന്നൈ–എറണാകുളം സുവിധ (82631), വെള്ളി, രാത്രി 8ന് എറണാകുളം–ചെന്നൈ സുവിധ (82632), ഞായർ, ... Read more

ഫേസ്ബുക്കില്‍ വൈറല്‍ ആവുകയാണ് നിങ്ങളുടെ അക്കൌണ്ട് സുരക്ഷിതമോ എന്നറിയാന്‍ bff എന്നടിക്കൂ എന്ന പോസ്റ്റുകള്‍. bff എന്നടിച്ചാല്‍ അത് പച്ച നിറത്തിലായാല്‍ അക്കൌണ്ട് സുരക്ഷിതമെന്നും പോസ്റ്റുകളിലുണ്ട്. പലരും കമന്റായി പോസ്റ്റിനു താഴെ ഇത് പരീക്ഷിക്കുന്നുമുണ്ട്. ഫേസ്ബുക്ക് അക്കൌണ്ട് വിവരങ്ങള്‍ ചോര്‍ത്തിയെന്ന വിവരങ്ങള്‍ക്കിടെ bff പരീക്ഷണ പോസ്റ്റുകള്‍ വ്യാപകമാവുകയാണ് സംഭവം സത്യമോ? വ്യാജം. best friends forever എന്നതിന്‍റെ ചുരുക്കെഴുത്താണ് bff. നിരവധി വാക്കുകള്‍ക്ക് നിറംമാറ്റം ഫേസ്ബുക്ക് കഴിഞ്ഞ ഒക്ടോബര്‍ മുതല്‍ നടപ്പാക്കിയിരുന്നു. മലയാളത്തില്‍ ഉമ്മ, അഭിനന്ദനം തുടങ്ങിയ വാക്കുകള്‍ക്ക് ഈ നിറംമാറ്റം ഉണ്ട്. ചെറിയ അനിമെഷനും ഈ നിറം മാറുന്ന വാക്കുകള്‍ക്കൊപ്പം വരും. അത് കൊണ്ട് bff എന്നെഴുതി നിറം മാറാത്തവരും വിഷമിക്കേണ്ട. അക്കൌണ്ട് സുരക്ഷിതം തന്നെ. നിങ്ങളുടെ ഫേസ്ബുക്കോ ബ്രൌസറോ അപ്ഡേറ്റ് ചെയ്യാത്തത് കൊണ്ടാകാം നിറം മാറാത്തത്. അല്ലെങ്കില്‍ നിറം മാറ്റ പരീക്ഷണം നിങ്ങളുടെ എഫ്ബി അക്കൌണ്ടില്‍ വന്നിട്ടുണ്ടാവില്ല. അക്കൌണ്ട് വിവരം സുരക്ഷിതമല്ലന്നു തോന്നിയാല്‍ bff എന്നടിച്ചു സമയം കളയാതെ ... Read more

ബി.​എ​സ്.​എ​ൻ.​എ​ൽ​ മൊ​ബൈ​ൽ ​4ജി സേ​വ​നം ജൂ​ൺ അ​വ​സാ​ന​ത്തോ​ടെ രാ​ജ്യ​ത്ത് ല​ഭ്യ​മാ​കും. മഹാനഗര്‍ ടെലികോം നിഗം ലിമിറ്റഡിന്‍റെ നിയന്ത്രണത്തിലുള്ള ഡല്‍ഹി, മുംബൈ നഗരങ്ങളില്‍ ഒഴികെ 4ജി വ്യാപിപ്പിക്കാനാണ് ടെലികോം വകുപ്പിന്‍റെ ശ്രമം. ഇതിനായി കേന്ദ്ര സര്‍ക്കാര്‍ 7,000 കോടിയും ബി.എസ്.എന്‍.എല്‍ 5,500 കോടിയും നീക്കിവെയ്ക്കും. കേരളത്തില്‍ നിലവില്‍ 4ജി സേവനം ലഭിക്കുന്നത് ഇടുക്കിയിലെ ഉടുമ്പന്‍ചോലയില്‍ മാത്രമാണ്. ഒറീസയിലും പരീക്ഷണാടിസ്ഥാനത്തില്‍ 4ജി ഉടന്‍ നിലവില്‍ വരും. ടെലികോം രംഗത്തെ കടുത്ത മത്സരങ്ങള്‍ കാരണം മൊബൈല്‍ സേവന രംഗത്തുനിന്നും ബി.എസ്.എന്‍.എല്‍ പിന്തള്ളപ്പെടാതിരിക്കാന്‍ 4ജി സേവനം വിപുലമാക്കാന്‍വേ​ണ്ട അ​നു​മ​തി​യും പി​ന്തു​ണ​യും ന​ൽ​ക​ണ​മെ​ന്ന്​ പാ​ർ​ല​മെന്‍റ​റി സ്​​റ്റാ​ൻ​ഡി​ങ്​ ക​മ്മി​റ്റി കേ​ന്ദ്ര സ​ർ​ക്കാ​റി​നോ​ട്​ ശുപാ​ർ​ശ ചെ​യ്​​തി​ട്ടു​ണ്ട്. അ​തി​നി​ടെ 5​ജി ​സേ​വ​നം തു​ട​ങ്ങു​ന്ന​തി​ന്​ നോ​ക്കി​യ, ഇ​സ​ഡ്​ ടി​.ഇ എ​ന്നീ ക​മ്പ​നി​ക​ളു​മാ​യി ബി.​എ​സ്.​എ​ൻ.​എ​ൽ ധാ​ര​ണ​പ​ത്രം ഒ​പ്പു​വെ​ച്ചു. 4ജി വ്യാ​പി​പ്പി​ക്കാ​നു​ള്ള ക​രാ​റും ​ഈ കമ്പനികള്‍ക്കാണ്. അടുത്ത വര്‍ഷം 5ജി സേവനം ലഭ്യമാക്കാം എന്നാണു ബി.​എ​സ്.​എ​ൻ.​എ​ല്ലി​​ന്‍റെ പ്ര​തീ​ക്ഷ. അ​ടു​ത്ത ഒ​രു വ​ർ​ഷ​ത്തി​നി​ടെ​ രാ​ജ്യ​ത്ത്​ ഒ​രു ല​ക്ഷം വൈ​ഫൈ ... Read more

തീവണ്ടികള്‍ വൈകിയോടുന്നത് റിസര്‍വ് ചെയ്ത യാത്രക്കാരെ അറിയിക്കാന്‍ പരീക്ഷണാടിസ്ഥാനത്തില്‍ നടപ്പാക്കിയ എസ്.എം.എസ്. സേവനം എല്ലാ തീവണ്ടികളിലും ലഭ്യമാക്കുന്നു. നിലവില്‍ ദക്ഷിണ റെയില്‍വേയുടെ ചില തീവണ്ടികളിലേ എസ്.എം.എസ്. സംവിധാനമുള്ളൂ. ഇതാണ് മറ്റു തീവണ്ടികളിലേയ്ക്ക് വ്യാപിപ്പിക്കുന്നത്. തീവണ്ടി എത്ര മണിക്കൂര്‍ വൈകുമെന്നതും അതിന്‍റെ കാരണവും എസ്.എം.എസ് വഴി അറിയിക്കാനാണ് ദക്ഷിണ റെയില്‍വേയുടെ തീരുമാനം. എസ്.എം.എസ്. സന്ദേശം കിട്ടാനായി ടിക്കറ്റ് ബുക്ക് ചെയ്യുമ്പോള്‍ യാത്രക്കാരന്‍ സ്വന്തം മൊബൈല്‍ നമ്പര്‍ നല്‍കണം. ഏജന്‍റ് വഴി ടിക്കറ്റ് ബുക്ക് ചെയ്യുമ്പോഴും യാത്രക്കാരന്‍റെ മൊബൈല്‍ നമ്പര്‍ തന്നെ നല്‍കണം. സമയകൃത്യത ഉറപ്പുവരുത്താന്‍ ദക്ഷിണറെയില്‍വേ ജനറല്‍ മാനേജര്‍ കുല്‍ശ്രേഷ്ഠയുടെ നേതൃത്വത്തില്‍ ചേര്‍ന്ന ഉന്നത ഉദ്യോഗസ്ഥരുടെ യോഗത്തിലാണ് ഈ തീരുമാനം. നാഷണല്‍ ട്രെയിന്‍ എന്‍ക്വയറി സിസ്റ്റത്തില്‍ (എന്‍.ടി.ഇ.എസ്) ഉള്‍പ്പെടെ തീവണ്ടി വൈകിയോടുന്നത് സംബന്ധിച്ച വിവരങ്ങള്‍ യാത്രക്കാര്‍ക്ക് അപ്പപ്പോള്‍ അറിയാന്‍ കൗണ്ടര്‍ ടിക്കറ്റിലും ഇ-ടിക്കറ്റിലും ഉള്‍പ്പെടുത്താനും പദ്ധതിയുണ്ട്. തീവണ്ടി വൈകുമെന്ന് അറിഞ്ഞാല്‍ യാത്രക്കാരന് സമാന്തര സര്‍വീസുകളെ ആശ്രയിക്കാം. റെയില്‍വേ സ്റ്റേഷനുകളിലും തീവണ്ടിയ്ക്കുള്ളിലും വൈകിയോട്ടത്തെക്കുറിച്ചുള്ള അനൗണ്‍സ്‌മെന്റുകളും ... Read more

വി​മാ​ന​ങ്ങ​ളു​ടെ ത​ക​രാ​ർ​മൂ​ലം ഇ​ൻ​ഡി​ഗോ​യും ഗോ ​എ​യ​റും സ​ർ​വി​സു​ക​ൾ പു​നഃ​ക്ര​മീ​ക​രി​ച്ച​തോടെ യാത്രാ നിരക്കും വര്‍ധിപ്പിച്ചു. രാജ്യത്ത് ഏറ്റവും കൂടുതല്‍ ആഭ്യന്തര സര്‍വീസ് നടത്തുന്ന കമ്പനിയാണ് ഇന്‍ഡിഗോ. എ320 ഇനത്തില്‍പെട്ട 31 വിമാനമാണ് ഇന്‍ഡിഗോക്കുള്ളത്. ഇതില്‍ എട്ടെണ്ണത്തിനാണ് വിലക്ക് ഏര്‍പ്പെടുത്തിയത്. ഇതുമൂലം 400ല്‍ കൂടുതല്‍ സര്‍വീസുകള്‍ റദ്ദാക്കപ്പെട്ടത്. തകരാര്‍ പരിഹരിച്ച് വിമാനങ്ങള്‍ സര്‍വീസിനു ഉപയോഗിക്കാന്‍ രണ്ടുമാസമെങ്കിലും എടുക്കും. അതുവരെ നിരക്കു വര്‍ധന തുടരും. ഇ​ൻ​ഡി​ഗോ​യും ഗോ ​എ​യ​റും ഉ​പ​യോ​ഗി​ച്ചി​രു​ന്ന എ 320 ​വി​മാ​ന​ങ്ങ​ൾ തു​ട​ർ​ച്ച​യാ​യി ത​ക​രാ​റി​ലാ​കു​ന്ന​തി​നെ തു​ട​ർ​ന്ന് സു​ര​ക്ഷ​കാ​ര​ണ​ങ്ങ​ളാ​ൽ പ​റ​ക്കാ​നു​പ​യോ​ഗി​ക്കു​ന്ന​ത് വി​ല​ക്കി​യ​താ​ണ് പ്ര​ശ്നം സൃ​ഷ്​​ടി​ച്ച​ത്. അ​തി​നാ​ൽ ബ​ദ​ൽ സം​വി​ധാ​ന​മേ​ർ​പ്പെ​ടു​ത്തി​യ​തി​നു​ൾ​പ്പെ​ടെ ക​ന​ത്ത സാ​മ്പ​ത്തി​ക ബാ​ധ്യ​ത ഇ​രു​വി​മാ​ന​ക്ക​മ്പ​നി​ക്കു​മു​ണ്ടാ​യി. ഇ​തോ​ടെ ഇ​വ​ർ ടിക്കറ്റുകളുടെ നി​ര​ക്ക് വര്‍ധിപ്പിക്കുകയായിരുന്നു.

കേരളത്തിലെ മൂന്ന് റെയില്‍വേ സ്‌റ്റേഷനുകളെ ലോകോത്തര നിലവാരത്തിലുള്ള മാതൃകാ സ്‌റ്റേഷനുകളായി വികസിപ്പിക്കാന്‍ കേന്ദ്രസര്‍ക്കാര്‍ തീരുമാനം. കേന്ദ്ര ടൂറിസം സഹമന്ത്രി അല്‍ഫോന്‍സ് കണ്ണന്താനമാണ് ഫെയ്‌സ്ബുക്ക് പോസ്റ്റിലൂടെ ഇക്കാര്യം അറിയിച്ചത്. കോട്ടയം, കോഴിക്കോട്, പാലക്കാട് റെയില്‍വേ സ്റ്റേഷനുകളില്‍ 20 കോടി രൂപ വീതം ചെലവഴിച്ച് വികസന പ്രവര്‍ത്തനങ്ങള്‍ നടത്താനാണ് തീരുമാനം. കേന്ദ്ര റെയില്‍വേ മന്ത്രി പീയൂഷ് ഗോയലുമായി നടത്തിയ ചര്‍ച്ചയെത്തുടര്‍ന്നാണ് തീരുമാനമെന്ന് അല്‍ഫോന്‍സ്‌ കണ്ണന്താനം ഫേസ്ബുക്കില്‍ കുറിച്ചു. കേരളത്തില്‍ ഏറ്റവും കൂടുതല്‍ യാത്രക്കാരുള്ള സ്റ്റേഷനുകളാണ് കോട്ടയവും കോഴിക്കോടും പാലക്കാടും. കൂടാതെ ഏറ്റവും കൂടുതല്‍ സഞ്ചാരികള്‍ എത്തുന്നതും ഇവിടെതന്നെ. കോട്ടയത്തെ കുമരകം, ഗവി, പാലക്കാട് സൈലന്‍റ് വാലി, മലമ്പുഴ, കോഴിക്കോട് ബേപ്പൂര്‍, കാപ്പാട് തുടങ്ങിയ വിനോദ സഞ്ചാര കേന്ദ്രങ്ങളിലേയ്ക്ക് കൂടുതല്‍ സഞ്ചാരികളെ ആകര്‍ഷിക്കാം.

പതിറ്റാണ്ടുകള്‍ക്കുശേഷം സൗദി അറേബ്യയുടെ വ്യോമപാതയിലൂടെ ഇസ്രയേലിലേയ്ക്ക് വിമാനം പറന്നു. എയര്‍ ഇന്ത്യയുടെ വിമാനമാണ് സൗദി വ്യോമപാതയിലൂടെ ഇസ്രയേല്‍ തലസ്ഥാനമായ ടെല്‍ അവീവില്‍ പറന്നിറങ്ങിയത്. സൗദി ഉള്‍പ്പെടെ മിക്ക അറബ് രാജ്യങ്ങളും ഇസ്രയേലിലേക്കും തിരിച്ചുമുള്ള വിമാനങ്ങള്‍ക്ക് വ്യോമപാത അനുവദിക്കാറുമില്ല. എയര്‍ ഇന്ത്യക്ക് പറക്കാന്‍ അനുമതി നല്‍കിയതോടെ സൗദി ഭരണകൂടവും ഇസ്രയേലും തമ്മിലുള്ള ബന്ധം മെച്ചപ്പെടുകയാണെന്നാണ് വിലയിരുത്തല്‍. നിലവില്‍ ചെങ്കടലിന് മുകളിലൂടെ ഇസ്രയേല്‍ വിമാനങ്ങള്‍ മുംബൈയിലേക്ക് സര്‍വീസ് നടത്തുന്നുണ്ട്. ആഴ്ചയില്‍ മൂന്ന് സര്‍വീസുകളാണ് എയര്‍ ഇന്ത്യ ഇസ്രയേലിലേക്ക് നടത്തുക. ഞായര്‍, ചൊവ്വ, വ്യാഴം ദിവസങ്ങളില്‍. ഒമാന്‍, സൗദി അറേബ്യ, ജോര്‍ദാന്‍ എന്നിവിടങ്ങളിലൂടെയാണ് വിമാനം ഇസ്രയേലിലെത്തുക. ഇതോടെ ഇസ്രയേലിലേക്കെത്താനുള്ള സമയം രണ്ട് മണിക്കൂറിലേറെ ലാഭിക്കാനാകും.

കെ.എസ്.ആര്‍.ടി.സിയുടെ സംസ്ഥാനത്തെ ആദ്യ സി.എന്‍.ജി. (കംപ്രസ്ഡ് നാച്വറല്‍ ഗ്യാസ്) ബസ് ഇന്ന് നിരത്തിലിറങ്ങി. രാവിലെ ആറരയ്ക്ക് ആലുവയില്‍ നിന്നാണ് സര്‍വീസുകള്‍ ആരംഭിച്ചത്. വൈകീട്ട് അഞ്ചരയ്ക്ക് ആലുവയില്‍ തന്നെ സര്‍വീസുകള്‍ അവസാനിപ്പിക്കും. 48 സീറ്റുകളാണ് ബസ്സില്‍ സജ്ജീകരിച്ചിട്ടുള്ളത്. രണ്ട്, മൂന്ന് വീതമുള്ള സീറ്റില്‍ ഹാന്‍ഡ് റെസ്റ്റ് ഘടിപ്പിച്ചിട്ടുണ്ട്. ബസ്സില്‍ കയറുമ്പോള്‍ യാത്രക്കാര്‍ വാതില്‍ അടയ്ക്കാന്‍ മറന്നുപോയാല്‍ അലാം പ്രവര്‍ത്തിക്കും. പ്രായമായവര്‍ക്ക് കയറാന്‍ വാതിലിന്‍റെ അടിഭാഗത്ത് ഡ്രൈവര്‍ക്ക് നിയന്ത്രിക്കാവുന്ന ഫുട്ട് റെസ്റ്റും ഘടിപ്പിച്ചിട്ടുണ്ട്. 200 കിലോ സി.എന്‍.ജിയാണ് അശോക് ലൈലാന്‍ഡ് നിര്‍മിച്ച ബസിന്‍റെ സംഭരണശേഷി. കുറഞ്ഞ നിരക്കില്‍ ഉയര്‍ന്ന ഇന്ധനക്ഷമത ഉറപ്പാക്കുന്ന സി.എന്‍.ജി. വാഹനങ്ങളില്‍ ഉപയോഗിക്കുന്നതിലൂടെ അന്തരീക്ഷ മലീനികരണം കുറയ്ക്കാനാകും. ഇടപ്പള്ളി, കലൂര്‍, ജെട്ടി വഴി വൈറ്റില വരേയും തിരിച്ചും സി.എന്‍.ജി. ബസ് സര്‍വീസ് നടത്തും. അതേസമയം നാളെ കൊച്ചിയില്‍ ചേരുന്ന കെ.എസ്.ആര്‍.ടി.സി ഡയറക്ടർ ബോർഡ്  മീറ്റിങ്ങില്‍ 900 പുതിയ കെ.എസ്.ആര്‍.ടി.സി ബസ്സുകള്‍ വാങ്ങാന്‍ തീരുമാനമാകും. ഇതില്‍ നിശ്ചിത ശതമാനം സി.എന്‍.ജി ബസ്സുകള്‍ ആയിരിക്കുമെന്ന് ഗതാഗത ... Read more