Category: Homepage Malayalam

റവന്യു ഭൂമി വിട്ടുനൽകാനുണ്ടാകുന്ന തടസ്സം മൂലം കോട്ടയം ജില്ലയിലെ കിഴക്കൻ ഹരിത ടൂറിസം സർക്യൂട്ട് പദ്ധതി അവതാളത്തിൽ. വിനോദസഞ്ചാര വകുപ്പാണ് പദ്ധതി ആവിഷ്കരിച്ചത്. ഇലവീഴാപൂഞ്ചിറ (മേലുകാവ് പഞ്ചായത്ത്), ഇല്ലിക്കൽകല്ല് (മൂന്നിലവ്–മേലുകാവ് പഞ്ചായത്ത്), മാർമല അരുവി (തീക്കോയി–തലനാട് പഞ്ചായത്ത്), അയ്യമ്പാറ (തലനാട്), വാഗമൺ (തീക്കോയ് പഞ്ചായത്ത്) എന്നീ വിനോദസഞ്ചാര മേഖലകളെ കോർത്തിണക്കി നടത്തുന്ന പദ്ധതിയിൽ വിനോദ സഞ്ചാരികൾക്ക് അടിസ്ഥാന സൗകര്യങ്ങൾ സജ്ജമാക്കുകയായിരുന്നു ലക്ഷ്യം. ആദ്യഘട്ടമായി ഇലവീലാപൂഞ്ചിറ, ഇല്ലിക്കൽക്കല്ല്, അയ്യമ്പാറ എന്നിവിടങ്ങളിലെ നിർമാണ പ്രവർത്തനങ്ങൾക്ക് 70 ഏക്കർ സ്ഥലമാണു വകുപ്പ് ആവശ്യപ്പെട്ടത്. ആറുമാസം പിന്നിട്ടിട്ടും റവന്യു വകുപ്പ് അനുമതി കൈകൈമാറിയില്ല. പലതവണ റവന്യു വകുപ്പും ടൂറിസം വകുപ്പും ചർച്ച നടത്തിയെങ്കിലും ഈ സ്ഥലങ്ങൾ വിനോദസഞ്ചാര വകുപ്പിനു പൂർണമായും വിട്ടുകൊടുക്കുന്നതിനോടു റവന്യു വകുപ്പിനു യോജിപ്പില്ല. പാട്ടത്തിനു കൊടുക്കുന്നതു സംബന്ധിച്ച് ആലോചന നടക്കുകയാണ്. പ്രകൃതിയുടെ സ്വഭാവിക സൗന്ദര്യം നിറഞ്ഞ മലനിരകളിൽ സ്റ്റാർ ഹോട്ടൽ ഉൾപ്പെടെ പണിയുന്നതിനായിരുന്നു ആദ്യപദ്ധതി. എന്നാൽ ഇതിനോടും റവന്യുവകുപ്പിനു യോജിപ്പില്ല. സ്ഥലം വിട്ടുകിട്ടുന്നതിനു ടൂറിസം ... Read more

നിര്‍മാണം പുരോഗമിക്കുന്ന പുണെ മെട്രോ റെയില്‍ പദ്ധതിയുടെ തൂണുകളില്‍ വെര്‍ട്ടിക്കല്‍ പൂന്തോപ്പ് നിര്‍മാണം പുരോഗമിക്കുന്നു.വെര്‍ട്ടിക്കല്‍ പൂന്തോപ്പ് മലിനീകരണം കുറയ്ക്കാനും മെട്രോ പാതയുടെ മോടി കൂട്ടാനും വഴിയൊരുക്കും. പിംപ്രി-ചിഞ്ച്വാഡില്‍ നിന്നു സ്വാര്‍ ഗേറ്റിലേക്കും വനാസില്‍ നിന്നു റാംവാഡിയിലേക്കുമുള്ള പാതകളിലെ മെട്രോ പില്ലറുകളിലാകും പൂന്തോട്ടമൊരുക്കുക. നാഗ്പുരിലെ മെട്രോ പില്ലറുകളില്‍ പരീക്ഷണാടിസ്ഥാനത്തില്‍ സ്ഥാപിച്ച വെര്‍ട്ടിക്കല്‍ പൂന്തോട്ടം വിജയകരമായ സാഹചര്യത്തിലാണു പദ്ധതി പുണെയിലേക്കു നീട്ടാന്‍ തീരുമാനിച്ചത്. പച്ചപ്പു വര്‍ധിപ്പിച്ച് മലിനീകരണം തടയുകയാണു ലക്ഷ്യം. പില്ലറുകളുടെ പ്രതലത്തില്‍ സ്ഥാപിക്കുന്ന കനംകുറഞ്ഞ ഇരുമ്പു ചട്ടങ്ങളില്‍ ചെറിയ ചെടിച്ചട്ടികള്‍ വച്ചായിരിക്കും വെര്‍ട്ടിക്കല്‍ പൂന്തോട്ടം ഒരുക്കുക. മെട്രോ സ്റ്റേഷനുകളില്‍ നിന്നുള്ള മലിനജലം ശുദ്ധീകരിച്ച് ഡ്രിപ്പ് ഇറിഗേഷന്‍ വഴി ചെടികള്‍ നനയ്ക്കും. മെട്രോ പദ്ധതിക്കായി മുറിച്ചുനീക്കിയ മരങ്ങള്‍ക്കു പകരം കൂടിയാകും തൂണുകളിലെ പച്ചപ്പ്.

കൊടും വെയിലിലും മഴയിലും കര്‍മ നിരതരാണ് ട്രാഫിക് പൊലീസ്. നിര്‍ജലീകരണത്തിന് ഇടയാക്കുന്ന വേനലാണ് പൊലീസിന് വില്ലന്‍. എന്നാല്‍ ഇത്തവണ വേനലില്‍ കേരളത്തിലെ പൊലീസിന് ആശ്വസിക്കാം. വെള്ളം കുടിക്കാനും വിശ്രമിക്കാനുമൊക്കെ ഈ വേനല്‍ കാലത്ത് പൊലീസിന് സമയം കിട്ടും. നാലു മണിക്കൂറിലധികം ട്രാഫിക് പൊലീസിന് ജോലി തുടരേണ്ടതില്ല. നാല് മണിക്കൂര്‍ ജോലി, നാല് മണിക്കൂര്‍ വിശ്രമം, വീണ്ടും നാല് മണിക്കൂര്‍ ജോലി എന്നിങ്ങനെയാണ് ജോലി സമയം ക്രമീകരിക്കുകയെന്നു ഡിജിപിയുടെ സര്‍ക്കുലറില്‍ പറയുന്നു.ദാഹജലം നല്‍കാന്‍ ഓരോ പൊലീസ് ജില്ലയ്ക്കും 50,000 രൂപ വീതം അനുവദിച്ചിട്ടുണ്ട്.

ഏഴു ഭൂഖണ്ഡങ്ങളിലെ 32 രാജ്യങ്ങള്‍ 140 ദിവസംകൊണ്ടു കണ്ടു തീര്‍ക്കാം ഈ ആഡംബര കപ്പലിനൊപ്പം. സില്‍വര്‍ വിസ്പര്‍ എന്ന കപ്പലാണ് 32 രാജ്യങ്ങളിലെ 62 തീരങ്ങള്‍ സന്ദര്‍ശിക്കുന്നത്. ഏഴ് വന്‍കരകളെ സ്പര്‍ശിച്ചാണ് ഈ കപ്പല്‍ യാത്ര. 2020ല്‍ സില്‍വര്‍ വിസ്പര്‍ യാത്രയാരംഭിക്കും. ലോക നിലവാരത്തിലുള്ള ഭക്ഷ്യശാലകള്‍, കോക്ടെയ്ല്‍ ബാറുകള്‍, ലൈബ്രറികള്‍, തിയേറ്റര്‍, പൂള്‍, സ്പാ തുടങ്ങി നിരവധി സൗകര്യങ്ങളുണ്ട് കപ്പലിനകത്ത്. 382 യാത്രക്കാരെയും 302 ജീവനക്കാരേയും ഉള്‍ക്കൊള്ളാന്‍ ശേഷിയുണ്ട് കപ്പലിന്. 40,21,630 രൂപ മുതല്‍ 1,55,67,600 രൂപ വരെയാണ് യാത്രാ കൂലി. യാത്രക്കാര്‍ക്ക് ആന്‍റര്‍ട്ടിക്കയെ അടുത്തറിയാനുള്ള അവസരവും ലഭിക്കും. സിഡ്‌നി, സിംഗപ്പൂര്‍, ഇന്ത്യ, ഈജിപ്ത്, കരീബിയന്‍ ദ്വീപുകള്‍, റിയോ ഡി ജനീറോ, ബ്യൂണോ ഐറസ് തുടങ്ങിയ സ്ഥലങ്ങളിലൂടെ യാത്ര ചെയ്ത യൂറോപ്പില്‍ അവസാനിക്കും. ചിലവ് അല്‍പം കൂടുതലാണെങ്കിലും ഇത്രയും രാജ്യങ്ങള്‍ സന്ദര്‍ശിക്കുന്നതു കൊണ്ട് ലോകമെങ്ങുമുള്ള യാത്രാ പ്രേമകള്‍ സില്‍വര്‍ വിസ്പറിനെ തേടിയെത്തുമെന്നാണ് സംഘാടകരുടെ പ്രതീക്ഷ.

വിഷുവിന് നാട്ടിലെത്തുന്നവരുടെ തിരക്ക് കണക്കിലെടുത്ത് സ്‌പെഷ്യല്‍ ബസുകളുമായി കര്‍ണാടക ആര്‍ ടി സി. യാത്രക്കാരുടെ തിരക്ക് കൂടുതല്‍ ഉള്ള 12, 13 തീയതികളില്‍ 30 സ്‌പെഷ്യല്‍ ബസുകളാണ് ഇതു വരെ അനുവദിച്ചത്. കോട്ടയം (2), മൂന്നാര്‍ (1), എറണാകുളം (3), തൃശൂര്‍ (4), പാലക്കാട് (3), കോഴിക്കോട് (4), മാഹി (3), കണ്ണൂര്‍ (10) എന്നിവിടങ്ങളിലേക്കാണ് ഇവ സര്‍വീസ് നടത്തുക. ഇതില്‍ 13 എണ്ണം സേലം വഴിയാണ്. കേരള ആര്‍ടിസിയേക്കാള്‍ ടിക്കറ്റ് ചാര്‍ജ് കൂടുതലാണെങ്കിലും യാത്രാസമയം കുറവായതിനാല്‍ സേലം വഴിയുള്ള സ്‌പെഷലുകളിലെ ടിക്കറ്റുകള്‍ അതിവേഗമാണ് വിറ്റഴിയുന്നത്. കേരള ആര്‍ടിസി ഇതുവരെ സേലം വഴി ഒരു സ്‌പെഷല്‍ പോലും അനുവദിച്ചിട്ടില്ലെന്നതും കര്‍ണാടക ആര്‍ടിസിക്കു നേട്ടമാകുന്നു. എറണാകുളം, കോട്ടയം ഭാഗങ്ങളിലേക്കു ദീര്‍ഘദൂര സ്വകാര്യ ബസുകള്‍ മൂവായിരം രൂപ വരെ ഈടാക്കുമ്പോള്‍ കര്‍ണാടക ആര്‍ടിസി സ്‌പെഷല്‍ ബസില്‍ 1700 രൂപ വരെയാണ് നിരക്ക്. കേരള ആര്‍ടിസി എറണാകുളം, തൃശൂര്‍, കോട്ടയം ഭാഗങ്ങളിലേക്കു സ്‌പെഷല്‍ അനുവദിച്ചിട്ടുണ്ടെങ്കിലും ഇവയെല്ലാം ... Read more

വേനലായി. വിഷപ്പാമ്പുകളുടെ കടിയേറ്റുള്ള മരണങ്ങളും പതിവായി. സംസ്ഥാനത്ത് കഴിഞ്ഞ മൂന്നു വർഷത്തിനിടെ പാമ്പുകടിയേറ്റ് മരിച്ചത് 295 പേർ. 2015ൽ 128 പേർ, 2016 ൽ 86 പേർ ,2017 ൽ 81 പേരുമാണ് മരിച്ചത്.  2017 ൽ ഏറ്റവും പേർ പാമ്പുകടിയേറ്റ് മരിച്ചത് പാലക്കാട് ജില്ലയിലാണെന്നും കണക്കുകൾ വ്യക്തമാക്കുന്നു. 44  പേരാണ് ഇവിടെ പാമ്പുകടിയേറ്റ് മരിച്ചത്. പത്തനംതിട്ടയാണ് പാമ്പുകടി മരണം കൂടുതലായി നടന്ന രണ്ടാമത്തെ ജില്ല. 22 പേരാണ് 2017ൽ ഇവിടെ പാമ്പുകടിച്ച് മരിച്ചത്. കൊല്ലത്ത് കഴിഞ്ഞ വർഷം 15 പേർ മരിച്ചു. മൂർഖന്‍റെ  മുട്ട വിരിയുന്നതും അണലി പ്രസവിക്കുന്നതുമെല്ലാം വേനല്‍ക്കാലത്താണ്. പാമ്പുകളെ അകറ്റാന്‍ വീടും പരിസരവും എപ്പോഴും വൃത്തിയായി സൂക്ഷിക്കണം. വേനൽകാലത്തു പാമ്പുകൾ വെള്ളം തേടി ഇറങ്ങാറുണ്ട്. അടുക്കള ഭാഗങ്ങളിൽ പാത്രം കഴുകിയതും മറ്റും, തങ്ങിക്കിടക്കുന്ന വെള്ളം കുടിക്കാൻ ഇവയെത്തും. വിറക്, തൊണ്ട്, പഴയ സാധനങ്ങൾ തുടങ്ങിയവ കൂട്ടിയിടുന്നതിനിടയിലും പാമ്പുകൾ പതിയിരിക്കാറുണ്ട്. ഇരുമ്പിന്റെ സ്റ്റാൻ‍ഡ് പോലെ ഉയർന്നുനിൽക്കുന്നവയില്‍ വിറകും മറ്റു ... Read more

അല്‍ ഗരാഫയേയും മദീനത്ത് ഖലീഫ നോര്‍ത്തിനേയും തമ്മില്‍ ബന്ധിപ്പിക്കുന്ന പുതിയ മേല്‍പ്പാലം പൊതുമരാമത്ത് വകുപ്പ് (അഷ്ഘാല്‍) ഗതാഗതത്തിനായി തുറന്നു. അല്‍ ശമാല്‍ റോഡിനെ അല്‍ ഗരാഫയിലെ അല്‍ ഇത്തിഹാദ് സ്ട്രീറ്റിലേക്കും മദീനത്ത് ഖലീഫ നോര്‍ത്തിലെ സഖര്‍ സ്ട്രീറ്റിലേക്കും നേരിട്ടാണ് മേല്‍പ്പാലം വഴി ബന്ധിപ്പിച്ചിരിക്കുന്നത്. പ്രദേശത്ത് പുരോഗമിക്കുന്ന നിര്‍മാണ ജോലികളെ തുടര്‍ന്ന് ഗതാഗതക്കുരുക്ക് പരിഹരിക്കാനാണ് പാലം. നിശ്ചിത ഷെഡ്യൂളിനേക്കാള്‍ ആറ് മാസം മുമ്പാണ് പാലം തുറന്നത്. പാലത്തിന്റെ നിര്‍മാണത്തിനും രൂപകല്പനക്കുമായി ഒരു വര്‍ഷമാണ് നിശ്ചയിച്ചിരുന്നത്. പാലത്തിന്റെ നിര്‍മാണത്തിനായി ഉപയോഗിച്ചിരിക്കുന്ന എന്‍ജിനീയറിങ് സൊലൂഷന്റെ മികവാണ് പാലം നിര്‍മാണം വേഗത്തില്‍ പൂര്‍ത്തിയായത്. പോസ്റ്റ് ടെന്‍ഷനിങ് സംവിധാനം എന്ന സാങ്കേതിക വിദ്യയാണ് പാലത്തിന്റെ നിര്‍മാണത്തില്‍ ഉപയോഗിച്ചിരിക്കുന്നത്. ദേശീയ ഫാക്ടറികളില്‍നിന്നുള്ള സാമഗ്രികളാണ് നിര്‍മാണത്തിനായി ഉപയോഗിച്ചിരിക്കുന്നത്. ഇരു വശങ്ങളിലേക്കും ഓരോ വരി പാതകളാണ് പാലത്തിലുള്ളത്. അല്‍ ശമാല്‍ റോഡിലൂടെ പ്രവേശിക്കാതെ തന്നെ ഗരാഫയിലേക്കും മദീനത്ത് ഖലീഫ നോര്‍ത്തിലേക്കും വേഗത്തില്‍ പ്രവേശിക്കാം. ഉം ലെഖ്ബ ഇന്റര്‍ചേഞ്ചിലേയും (ലാന്‍ഡ്മാര്‍ക്ക്) അല്‍ ഗരാഫ ഇന്റര്‍ചേഞ്ചിലേയും ... Read more

പെട്രോള്‍, ഡീസല്‍ വില വര്‍ധനവിലൂടെ നികുതി ഇനത്തില്‍ സംസ്ഥാന സര്‍ക്കാരിന് ലഭിക്കുന്ന അധിക വരുമാനം വേണ്ടെന്നു വെയ്ക്കാന്‍ ഇപ്പോള്‍ ആലോചനയില്ലെന്നു ധനമന്ത്രി തോമസ്‌ ഐസക്. നിലവിലെ സാഹചര്യത്തില്‍ നികുതി വരുമാനത്തില്‍ വലിയ കുറവുണ്ട്. അതുകൊണ്ടു തന്നെ നികുതി വരുമാനം ഉപേക്ഷിക്കാന്‍ ഇപ്പോള്‍ കഴിയില്ലെന്നും പിന്നീട് ഉചിതമായ തീരുമാനമെടുക്കാമെന്നും തോമസ് ഐസക്ക് പറഞ്ഞു. പെട്രോള്‍, ഡീസല്‍ വിലവര്‍ധന സംബന്ധിച്ച് പ്രതിപക്ഷം നിയമസഭയില്‍ നല്‍കിയ അടിയന്തിര പ്രമേയ നോട്ടീസിന് മറുപടി പറയുകയായിരുന്നു മന്ത്രി. കേന്ദ്രസര്‍ക്കാരിന്‍റെ ജനദ്രോഹ നയത്തിന്‍റെ ഭാഗമാണ് പെട്രോളിന്‍റെയും ഡീസലിന്‍റെയും അനിയന്ത്രിതമായ വിലവര്‍ധനവ്. ഇതിനെ മറികടക്കാന്‍ സംസ്ഥാന സര്‍ക്കാര്‍ ഇതില്‍ നിന്നുള്ള നികുതി വരുമാനം വേണ്ടെന്നു വെക്കാന്‍ തയ്യാറാവണമെന്ന് പ്രതിപക്ഷത്തിനു വേണ്ടി തിരുവഞ്ചൂര്‍ രാധാകൃഷ്ണന്‍ അവതരിപ്പിച്ച അടിയന്തിര പ്രമേയത്തില്‍ ചൂണ്ടിക്കാട്ടി. യു.ഡി.എഫ് സര്‍ക്കാര്‍ ഭരിക്കുന്ന കാലത്ത് എണ്ണവില വര്‍ധിച്ചപ്പോള്‍ നികുതി വരുമാനം വേണ്ടെന്നു വെച്ചിരുന്നു. ഈ മാതൃക പിന്തുടരണമെന്നായിരുന്നു പ്രതിപക്ഷത്തിന്‍റെ ആവശ്യം. പ്രതിപക്ഷത്തിന്‍റെ ആവശ്യം ധനമന്ത്രി അംഗീകരിച്ചില്ല. മാത്രമല്ല അടിയന്തിര പ്രമേയം ചര്‍ച്ചയ്‌ക്കെടുത്തുമില്ല. ... Read more

വേള്‍ഡ് കപ്പ് അടക്കമുള്ള ദുബൈയിലെ കുതിരയോട്ട മത്സരങ്ങളില്‍ പങ്കെടുക്കാന്‍ പന്തക്കുതിരകള്‍ സവാരി നടത്തിയത് എമിറേറ്റ്‌സ് വിമാനത്തില്‍. കുതിരകളെ കൊണ്ടുപോകുന്നത് എമിറേറ്റസിന്റെ ചരക്ക് വിഭാഗമായ എമിറേറ്റ്‌സ് സ്‌കൈകാര്‍ഗോ വഴിയാണ്. ഏറ്റവുമൊടുവില്‍ ലോകത്തിലെ എണ്ണംപറഞ്ഞ പന്തയക്കുതിരകളെ എമിറേറ്റ്സില്‍ എത്തിച്ചത് ദുബായ് വേള്‍ഡ് കപ്പിനാണ്. ഈ മത്സരസീസണില്‍ ആറുഭൂഖണ്ഡങ്ങളില്‍ നിന്നായി നിരവധി കുതിരകളെയാണ് വിമാനമാര്‍ഗം കൊണ്ടുവന്നത്. അതുപോലെ ലോന്‍കൈന്‍സ് ഗ്ലോബല്‍ ചാമ്പ്യന്‍സ് ടൂറിനായി നൂറിലധികം കുതിരകളെ പലവട്ടം മൂന്ന് ഭൂഖണ്ഡങ്ങളിലൂടെ കൊണ്ടുപോയി. 650 കിലോ ഭാരം വരും ഓരോ കുതിരയ്ക്കും. ഇതിനുപുറമേ ഓരോ മത്സരങ്ങള്‍ക്കുമാവശ്യമായ ഉപകരണങ്ങളും ഇതോടൊപ്പമുണ്ടാകും. ഈ വെല്ലുവിളികള്‍ തരണംചെയ്താണ് കഴിഞ്ഞ നാല് മാസത്തിനിടെ ആറുഭൂഖണ്ഡങ്ങളില്‍നിന്നുള്ള 350 കുതിരകളെ എമിറേറ്റ്സ് വിമാനത്തില്‍ കൊണ്ടുവന്നത്. ഇവയ്ക്ക് സുരക്ഷിതവും സുഗമവുമായ യാത്രയ്ക്കായുള്ള എല്ലാ സജ്ജീകരണങ്ങളും വിമാനത്തില്‍ തയ്യാറാണ്. കൂടാതെ ദുബായ് വേള്‍ഡ് സെന്‍ട്രല്‍ വിമാനത്താവളത്തില്‍ കുതിരകള്‍ക്കായി ഒരു സ്ഥിരം റാമ്പും ഒരുക്കിയിട്ടുണ്ട്. ഇവിടെ നിന്നാണ് കുതിരകളെ വിമാനത്തിലേക്ക് കയറ്റുന്നത്. മൃഗചികിത്സകരുള്‍പ്പെടെയുള്ള വിദഗ്ധരടങ്ങിയ സംഘവും പലപ്പോഴും കുതിരകള്‍ക്കൊപ്പം യാത്ര ... Read more

കേരള ബ്ലോഗ് എക്സ്പ്രസിന് കൊച്ചിയിൽ സമാപനം. കേരളത്തിലെ വിനോദ സഞ്ചാര മേഖലകളെ പ്രോത്സാഹിപ്പിക്കുന്നതിന്  കേരള ടൂറിസം നടപ്പാക്കിയ ബ്ലോഗ് എക്സ്പ്രസിന്‍റെ അഞ്ചാമത് എഡിഷനാണ് കൊച്ചിയില്‍ സമാപിച്ചത്. തിരുവനന്തപുരത്ത് മാർച്ച് 18ന് ടൂറിസം മന്ത്രി കടകംപള്ളി സുരേന്ദ്രനാണ് കേരള ബ്ലോഗ് എക്സ്പ്രസ് ഫ്ലാഗ് ഓഫ് ചെയ്തത്. ഫ്രാൻസ്, അമേരിക്ക, യു.കെ, കാനഡ, ജർമ്മനി, ഇറ്റലി, സ്പെയിൻ, ബൾഗേറിയ, റൊമേനിയ, വെനസ്വേല, പെറു തുടങ്ങി 28 രാജ്യങ്ങളിൽ നിന്നുള്ള മുപ്പത് ബ്ലോഗർമാരുടെ സംഘമാണ് അഞ്ചാമത് കേരള ബ്ലോഗ് എക്സ്പ്രസിൽ പങ്കെടുത്തത്. തിരുവനന്തപുരം മുതൽ കാസർഗോഡ് വരെ കേരളത്തിലുടനീളം യാത്ര ചെയ്ത് പ്രകൃതി ദൃശ്യങ്ങളും ഗ്രാമ-നഗര ജീവിതക്കാഴ്ചകളും ആസ്വദിച്ച ബ്ലോഗർമാർ തങ്ങളുടെ രണ്ടാഴ്ചക്കാലത്തെ കേരളീയാനുഭവങ്ങൾ സഞ്ചാരക്കുറിപ്പുകളും ഫോട്ടോഗ്രാഫുകളും വീഡിയോ ദൃശ്യങ്ങളുമായി ബ്ലോഗുകളിൽ പ്രസിദ്ധീകരിക്കുന്നുണ്ട്. യാത്രയ്ക്കിടയില്‍ ബ്ലോഗർമാർ ഒട്ടേറെ ലൈവ് വീഡിയോകളും ചിത്രങ്ങളും സാമൂഹ്യ മാധ്യമങ്ങളിലൂടെ പങ്കുവച്ചിട്ടുണ്ട്. കേരള ബ്ലോഗ്‌ എക്സ്പ്രസിലൂടെ കേരളം കാണാൻ ആഗ്രഹിക്കുന്ന വിദേശ വിനോദ സഞ്ചാരികളെ വലിയ തോതിൽ ആകർഷിക്കാനാവുമെന്നാണ് കേരള ടൂറിസത്തിന്‍റെ ... Read more

നഗര വികസന പദ്ധതികള്‍ക്കായി ദുബൈ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റിയും ദുബൈ പോലീസും കൈകോര്‍ക്കുന്നു. ഷാര്‍ജയ്ക്കും ദുബായിക്കും ഇടയില്‍ കൂടുതല്‍ ബസ് റൂട്ടുകള്‍ തുറക്കുന്നതും ഗുബൈബക്കും ഷാര്‍ജ അല്‍ ഖാനുമിടയ്ക്ക് ഫെറി സര്‍വീസ് ആരംഭിക്കുന്നതും ഷാര്‍ജയ്ക്കും ദുബായിക്കും ഇടയില്‍ എക്സ്പ്രസ് ബസുകള്‍ക്കായി പ്രത്യേക ലെയിനുകള്‍ തുടങ്ങുന്നതും ആര്‍.ടി.എ.യുടെ വികസനപദ്ധതികളില്‍ ഉള്‍പ്പെട്ടിട്ടുണ്ട്. രണ്ട് എമിറേറ്റുകള്‍ക്കുമിടയിലെ ഗതാഗതപ്രശ്നത്തിന് വലിയൊരളവില്‍ പരിഹാരമാകാന്‍ ഈ പദ്ധതികള്‍ക്ക് കഴിയും. എമിറേറ്റിലെ ഗതാഗതസുരക്ഷ വര്‍ധിപ്പിക്കാന്‍ വണ്ടികളുടെ ലൈസന്‍സിങ്, ട്രക്കുകളുടെ ഗതാഗതം തുടങ്ങിയവ സംബന്ധിച്ചുള്ള കാര്യങ്ങളും ആര്‍.ടി.എ. ചെയര്‍മാന്‍ മാതര്‍ അല്‍ തായറും ദുബായ് പോലീസ് മേധാവി മേജര്‍ ജനറല്‍ അബ്ദുല്ല ഖലീഫ അല്‍ മാറിയും തമ്മില്‍നടന്ന ചര്‍ച്ചയില്‍ വിഷയങ്ങളായി. എമിറേറ്റിലെ റോഡ് ശൃംഖലയും പൊതുഗതാഗതവും റെക്കോഡ് വികസനത്തിന്റെ പാതയിലാണ്. 2006 മുതലുള്ള കണക്കെടുത്താല്‍ എമിറേറ്റിലെ മൊത്തം റോഡുകളുടെ ദൈര്‍ഘ്യം 92 ശതമാനമാണ് കൂടിയിരിക്കുന്നത്. പൊതുഗതാഗത സംവിധാനത്തിന്റെയും വളര്‍ച്ച സമാനമായ രീതിയിലാണ്. പ്രതിദിനം 15 ലക്ഷം യാത്രക്കാരാണ് പൊതുവാഹനങ്ങള്‍ ഉപയോഗിക്കുന്നത്. സ്മാര്‍ട്ട് ... Read more

വംശനാശ ഭീഷണി നേരിടുന്ന കടലാമകളുടെ സംരക്ഷണാര്‍ത്ഥം ദേഹയിലെ പ്രധാന ബീച്ചുകളിലൊന്നായ ഫുവൈറിത്ത് നാലുമാസത്തേക്ക് അടച്ചു. നഗരസഭാ പരിസ്ഥിതി മന്ത്രാലയത്തിലെ പരിസ്ഥിതിസംരക്ഷണ വന്യജീവി വകുപ്പാണ് ബീച്ച് അടച്ചത്. ഏപ്രില്‍ ഒന്നുമുതല്‍ ഓഗസ്റ്റ് ഒന്നുവരെ വംശനാശഭീഷണി നേരിടുന്ന ഹൗക്ക്സ് ബില്‍ കടലാമകള്‍ ഉള്‍പ്പെടെയുള്ളവയുടെ പ്രജനനം സംരക്ഷിക്കാനായാണ് ബീച്ച് അടച്ചത്. ഓഗസ്റ്റ് ഒന്നുവരെയാണ് കടലാമകളുടെ പ്രജനനം നടക്കുന്നത്. രാജ്യത്ത് നാല് കടലോരങ്ങളിലും നാല് ദ്വീപുകളിലുമാണ് കടലാമകള്‍ മുട്ടയിടുന്നതെന്നാണ് പഠനങ്ങള്‍ വ്യക്തമാകുന്നത്. ഫുവൈറിത്ത്, അല്‍ ഖാരിയ, റാസ് ലഫാന്‍, അല്‍ മറൂണ എന്നീ തീരങ്ങളിലും ഹലുല്‍, ഷരീവു, റാസ് രഖന്‍, ഉംതെയ്സ് എന്നീ ദ്വീപുകളിലുമാണ് കടലാമകളുടെ സാന്നിധ്യം ഏറെയുള്ളത്. വംശനാശഭീഷണി നേരിടുന്ന കടലാമകളും ഫുവൈറിത്തിലെത്തുന്നുണ്ട്. കടലാമകള്‍ കൂടുതലായി മുട്ടിയിടാനെത്തുന്ന ഫുവൈരിത്ത് തീരഭാഗം വേലികെട്ടി തിരിച്ചും മറ്റും കടലാമകള്‍ക്ക് സുരക്ഷിതമായി മുട്ടയിടാനുള്ള അവസരം മന്ത്രാലയം തയ്യാറാക്കിയിട്ടുണ്ട്. കടലാമകളുടെ സാന്നിധ്യം ഏറെയുള്ള സ്ഥലങ്ങളില്‍ അധികൃതര്‍ നിരീക്ഷണം ശക്തമാക്കും. കടലാമകളുടെ വംശനാശഭീഷണി മുന്നില്‍ക്കണ്ടാണ് മന്ത്രാലയം സംരക്ഷണത്തിനുള്ള പ്രവര്‍ത്തനങ്ങള്‍ ആസൂത്രണംചെയ്ത് നടപ്പാക്കുന്നത്. ഒന്‍പത് ... Read more

പാമ്പുകള്‍ കാവല്‍ നില്‍ക്കുന്നുവെന്ന് വിശ്വസിക്കുന്ന പുരി ജഗന്നാഥ ക്ഷേത്രത്തിലെ നിഗൂഢ രത്‌നഭണ്ഡാരം ഇന്ന് തുറന്നു പരിശോധിക്കും. ഉച്ചയ്ക്കു ശേഷമായിരിക്കും അറ തുറക്കുക. 34 വര്‍ഷത്തിന് ശേഷമാണ് ക്ഷേത്രം ഭാരവാഹികളുടെ നേതൃത്വത്തില്‍ ഇങ്ങനെയൊരു പരിശോധന. അപൂര്‍വ രത്‌നങ്ങളും വജ്രങ്ങളുംഅടങ്ങിയതാണ് രത്‌നഭണ്ഡാരം. 1984ല്‍ ആയിരുന്നു ഈ ഭണ്ഡാരം അവസാനമായി തുറന്നത്. രത്‌നഭണ്ഡാരത്തിന്‍റെ നിലവിലെ അവസ്ഥ പരിശോധിച്ച് റിപ്പോര്‍ട്ട് സമര്‍പ്പിക്കാന്‍ ഒറീസ ഹൈക്കോടതി മാര്‍ച്ച് 22ന് ആവശ്യപ്പെട്ടിരുന്നു. ഇതിന്‍റെ അടിസ്ഥാനത്തിലാണ് പരിശോധന. ക്ഷേത്ര ഭാരവാഹികളായ അഞ്ചുപേര്‍, രണ്ടു പുരാവസ്തു ഗവേഷകര്‍, നിയമ വിദഗ്ധന്‍, പൊലീസ് നിയോഗിക്കുന്ന രണ്ടു വിദഗ്ധര്‍ എന്നിവരടങ്ങുന്ന സംഘമാണ് രത്ന അറ പരിശോധിക്കുക. ഭണ്ഡാരത്തിന് പാമ്പുകള്‍ കാവല്‍ നില്‍ക്കുന്നുവെന്ന് വിശ്വസിക്കുന്നതിനാല്‍ പാമ്പ് പിടുത്തക്കാരുടെ സഹായവും ഉറപ്പാക്കാന്‍ ബന്ധപ്പെട്ടവര്‍ തീരുമാനിച്ചിട്ടുണ്ട്. രത്‌നഭണ്ഡാരത്തിന്‍റെ സുരക്ഷ മാത്രമാണ് പരിശോധിക്കുക. രത്നശേഖരം സൂക്ഷിച്ചിരിക്കുന്ന പേടകങ്ങളിൽ തൊടാന്‍ ഇവർക്ക് അനുവാദമില്ല.

ദുബൈയിലെ ഉയരക്കാരന്‍ ബുര്‍ജ് ഖലീഫയെ അലങ്കരിക്കുന്ന എല്‍ ഇ ഡി ഡിസൈനുകള്‍ക്കായി ആഗോളതലത്തില്‍ നടത്തിയ മത്സരത്തില്‍ നിന്ന് ഏപ്രില്‍ മാസത്തേക്ക് രണ്ട് എന്‍ട്രികള്‍ തിരഞ്ഞെടുത്തു. ജപ്പാനില്‍നിന്നും മെക്സിക്കോയില്‍ നിന്നുമുള്ള കലാകാരന്മാരുടെ എന്‍ട്രികളാണ് തിരഞ്ഞെടുത്തിരിക്കുന്നത്. ഇമാറാണ് മത്സരം സംഘടിപ്പിച്ചിരുന്നത്. മെക്സിക്കോയില്‍നിന്നുള്ള പെഡ്രോ നര്‍വേസും ജപ്പാനില്‍ നിന്നുള്ള ഹിറോയുകി ഹോസകയുമാണ് വിജയികള്‍. ഈ ഡിസൈനുകളാകും ഈ മാസം വൈകീട്ട് 6.15 മുതല്‍ 10.15 വരെ അര മണിക്കൂര്‍ ഇടവിട്ട് ബുര്‍ജ് ഖലീഫയില്‍ പ്രദര്‍ശിപ്പിക്കുന്നത്. എല്ലാ മാസവും പുതിയ ഡിസൈനുകളും വിജയികളെയും കണ്ടെത്തും.

കേരളത്തിലെത്തുന്ന വിനോദ സഞ്ചാരികളുടെ ഇഷ്ട ഇടമാണ് തേക്കടി. കുരങ്ങിണി കാട്ടു തീയ്ക്ക് ശേഷം പെരിയാര്‍ കടുവാ സങ്കേതത്തിലൂടെയുള്ള ട്രെക്കിങ്ങും, തേക്കടി തടാകത്തിലൂടെ ബോട്ടിങ്ങും മാര്‍ച്ച് 29നാണ് പുനരാരംഭിച്ചത്. വേനല്‍ അവധി ആരംഭിച്ചതോടെ സഞ്ചാരികള്‍ ബോട്ടിങ്ങിനായി തേക്കടി തടാകത്തില്‍ എത്തി തുടങ്ങി എന്നാല്‍ ഇപ്പോള്‍ തടാകത്തിലെ ജലനിരപ്പ് 112.7 അടിയാണ് ഈ ജലനിരപ്പ് 109 അടിയിലേക്ക് താഴുകയാണെങ്കില്‍ ബോട്ടിങ്ങ് താത്കാലികമായി നിര്‍ത്തി വെയ്ക്കുമെന്ന് അധികൃതര്‍ അറിയിച്ചു. മാര്‍ച്ച് 29ന് പുനരാരംഭിച്ച ട്രെക്കിങ് ഇപ്പോഴും ആശങ്കയിലാണ്. ഉള്‍വനങ്ങളിലേക്ക് ഇപ്പോഴും ട്രെക്കിങ് ആരംഭിച്ചിട്ടില്ല. തുടരുന്ന വേനലില്‍ ഇപ്പോഴും കാടുകളിലെ പുല്ലുകള്‍ ഉണങ്ങി തന്നെയാണ് നില്‍ക്കുന്നത് ഈ അവസ്ഥ തുടര്‍ന്നാല്‍ ഇനിയും കാട്ടുതീ പടരാന്‍ സാധ്യതയുണ്ടെന്ന് വനം വകുപ്പ് ഉദ്യോഗസ്ഥര്‍ പറഞ്ഞു. തേക്കടി വിനോദ സഞ്ചാരികളുടെ പ്രധാന ആകര്‍ഷണ് ബോട്ടിങ് എന്നാല്‍ വേനല്‍ക്കാലത്ത് മഴയില്ലായിരുന്നുവെങ്കില്‍ ജലനിരപ്പ് ക്രമാതീതമായി കുറയുമായിരുന്നു. പരിസ്ഥിതി സംരക്ഷണ പരിപാടികളുടെ നിരോധനം വിനോദ സഞ്ചാര വ്യവസായത്തെ ബാധിച്ചു. എന്നിരുന്നാലും ഈസ്റ്റര്‍ അവധി ദിനങ്ങളില്‍ വിനോദ ... Read more