ലോകമേ തറവാടാക്കി വണ്ടിവീട്ടില്‍ ഇവര്‍ കറങ്ങിയത് 24 രാജ്യങ്ങള്‍
ലിയാണ്ടറും നാര്‍ഡിയയും സഞ്ചാരികളായ കമിതാക്കള്‍ കഴിഞ്ഞ രണ്ട് വര്‍ഷമായി താമസിക്കുന്നത് നാല്‍പത് വര്‍ഷം പഴക്കമുള്ളൊരു മിലട്ടറി ട്രക്കിലാണ്. ഓസ്ട്രിയ സ്വദേശികളായ ഇവര്‍ക്ക് പക്ഷേ ഇത് വെറുമൊരു ട്രക്കല്ല തങ്ങളുടെ ഏഴു വയസുകാരനായ മകനൊപ്പം ഈ വണ്ടി വീട്ടില്‍ ഇവര്‍ സഞ്ചരിച്ചത് ഇരുപത്തിനാല് രാജ്യങ്ങളിലാണ്.
രണ്ടു വര്‍ഷം മുമ്പ് യാത്രയ്ക്ക് അനുയോജ്യമായ വാഹനമെന്ന നിലയില്‍ മെഴ്‌സിഡസ് ബെന്‍സിന്റെ LA911B മോഡല്‍ മിലട്ടറി ട്രക്ക് വാങ്ങിയത്. പ്രഫഷണല്‍ ഫോട്ടോഗ്രാഫറായ ലിയാണ്ടര്‍ സ്വന്തം വീട് വിറ്റശേഷമാണ്‌ ഈ ട്രക്ക് സ്വന്തമാക്കുന്നത്.
ട്രക്ക് വീടെന്നെ ആശയം മുന്‍പോട്ട് വെച്ചതിന് ശേഷം തന്റെ യാത്രയ്‌ക്കൊപ്പം കുടുംബത്തിനെയും ലിയാണ്ടര്‍ കൂട്ടി. ട്രക്കിനെ വണ്ടി വീടാക്കി മാറ്റിയ മുഴുവന്‍ ജോലിയും ഇരുവരും ഒന്നിച്ച് തന്നെയാണ് ചെയ്തത്.
രണ്ട് കിടപ്പ് മുറികള്‍. ഒരു ലിവിങ് റൂം, അടുക്കള, ബാത്‌റൂം എന്നിവ അടങ്ങിയ സൗകര്യങ്ങളോടാണ് വണ്ടി വീട് നിര്‍മ്മിച്ചത്.
ഇപ്പോള്‍ ഓസ്‌ട്രേലിയന്‍ പര്യടനത്തിന് എത്തിയ വണ്ടി വീട് ഇതിനോടകം 24 രാജ്യങ്ങള്‍ സഞ്ചരിച്ചു. ഏഷ്യന്‍ രാജ്യങ്ങള്‍, ഉസ്ബക്കിസ്ഥാന്‍, മംഗോളിയ, ദക്ഷിണ കൊറിയ, തുര്‍ക്കി, ഇറാന്‍, ജപ്പാന്‍, ഇന്തൊനേഷ്യ, എന്നീ രാജ്യങ്ങള്‍ ഇവര്‍ സഞ്ചരിച്ചു.
കുടുംബത്തോടൊപ്പമുള്ള യാത്രയില്‍ മകന് ഹോം സ്‌കൂള്‍ രീതിയിലൂടെയാണ് വിദ്യാഭ്യാസം നല്‍കുന്നത്. തങ്ങളുടെ യാത്രകളെ സംബന്ധിക്കുന്ന വിവരങ്ങള്‍ ഇവര്‍ മുടങ്ങാതെ ഫെയ്‌സ്ബുക്ക്, ഇന്‍സ്റ്റഗ്രാം തുടങ്ങിയ സമൂഹമാധ്യമങ്ങളില്‍ പങ്കുവെയ്ക്കുന്നുണ്ട്.