ഇന്നോവയ്ക്ക് എതിരാളി; കമാന്‍ഡറുമായി ജീപ്പ്
ചൈനയില്‍ പുറത്തിറങ്ങുന്ന ടൂവീല്‍ ഡ്രൈവ്, ഫോര്‍ വീല്‍ മോഡലുകളുള്ള വാഹനം ലോഞ്ചിട്യൂഡ്, ലിമിറ്റഡ് എന്നിങ്ങനെ വകഭേദങ്ങളിലാവും പുറത്തിറങ്ങുക. 2 ലിറ്റര്‍ പെട്രോള്‍ കരുത്തുള്ള എന്‍ജിന്‍ 270 ബി എച്ച് പി കരുത്തും 400 എന്‍ എം ടോര്‍ക്കും നല്‍കും.4873 എം എം നീളവും 1892എം എം വീതിയും 1738 എം എം പൊക്കവും 2800എം എം വീല്‍ബെയ്‌സുമുണ്ട് പുതിയ വാഹനത്തിന്.
അമേരിക്കയിലും ചൈനയിലും പുറത്തിറങ്ങുന്ന വാഹനത്തിന്റെ ഇന്ത്യന്‍ അരങ്ങേറ്റത്തെ പറ്റി കമ്പനി ഇതുവരെ പ്രതികരിച്ചിട്ടില്ല. ഏറെ സ്വീകാര്യത ലഭിച്ച ജീപ്പ് കോംപസ് പുതിയ വാഹനങ്ങള്‍ പുറത്തിറക്കാന്‍ ജീപ്പിനെ പ്രേരിപ്പിക്കും എന്നാണ് പ്രതീക്ഷ.ഇന്ത്യന്‍ നിരത്തുകളില്‍ കമാന്‍ഡര്‍ എത്തുന്നതോടെ ഇന്നോവയായിരിക്കും പ്രധാന എതിരാളി. 20 ലക്ഷത്തിന് മുകളില്‍ വില വരുന്ന വാഹനം എന്നാല്‍ കമാന്‍ഡര്‍ എന്ന പേരിലാവില്ല ഇന്ത്യയില്‍ എത്താന്‍ സാധ്യത.